翠林辣蟹舫

尖沙咀翠林辣蟹舫必食避風塘炒辣蟹
.
一向都係蟹迷，鮮味十足，避風塘炒辣蟹就更加惹味！
涼拌豬手 : 上碟是豬手一片片切好，唔使啜骨食落啖啖肉。涼拌醬汁非常惹味，而且好入味，豬手炆得好琳，外皮又爽滑
避風塘炒辣蟹：今晚嘅主角到啦，以紅木架上枱，賣相非常吸引！蟹肉結實鮮甜，食得出肉蟹好新鮮。避風塘炸蒜粒炒得好乾身，一啲都唔油膩，提升蟹肉鮮味，微辣惹味，好味到要lam埋手指，正！
.
椒鹽豆腐：外脆內軟，豆腐外皮炸得金黃色，裏面就非常嫩滑，全部細細粒一口過好正！