燒味滷師 (安發大廈)

營業中

休息中

之前去過長沙灣【燒味滷師】買燒味返屋企食，今次專誠再嚟試埋佢哋嘅滷水燒鵝。今次買咗禾田滷水鴨(半隻)、燒味佬叉燒(約半斤)、海蜇胡麻手撕雞(半隻)、 蜜汁燒雞翼(4隻)， 返屋企同屋企人開心share。禾田滷水鴨肉質好柔嫩，最緊要滷水味滲曬入d鴨肉入面，鍾意食滷水嘅我食到停唔到口。燒味佬叉燒肥瘦分佈平均，再加上特製嘅蜜汁，無論大人小朋友都食到舐舐脷。海蜇胡麻手撕雞嘅雞種係用咗白羽雞種，所以雞肉特別嫩滑同埋有雞鮮味，海蜇就爽口兼彈牙，加上胡麻提味，做前菜一流。蜜汁雞翼就燒得好平均，再搽上蜜汁鎖住雞汁，所以食落超惹味。燒味滷師無論燒味鹵水同樣出色。