牛牛日式火鍋放題 (海之戀商場) (已結業)

上個星期日日落雨天氣都冇咁熱，開始大風返涼少少，咁就決定不如去打個邊爐，近近地就去咗荃灣呢間牛牛日式火鍋放題。本身唔太食得辣嘅我之後叫咗膠原豬骨鍋，估唔到味道幾唔錯喎，飲落係好濃郁嘅豬骨湯湯底味道。今次佢哋嘅火鍋放題我主要只係食海鮮同肉🤩海鮮方面都有10幾種可以揀，一次過送咗一大碟嚟，好彩樣樣都好新鮮！跟住丹麥王樣牛小排真係不得了！牛肉嘅油花分泌平均，賣相已經十分之吸引，口感肉質鮮嫩，牛肉嘅味道完全散發出嚟。丹麥豚腩肉比起牛肉肉質更鬆軟，十分能夠吸收湯底嘅精華。整體而言，無論環境服務態度同食物質素我都會比好評👍🏻