影片
更多
2016-05-29
780 瀏覽
放假唔出街諗住近近地響荃灣食飯, 泊好車諗住行啦, 點知落大雨, 一轉彎見有呢間韓燒, 價錢OK, 唔洗諗又唔洗淋雨, 一於試下.上到去一入門口已經見好多野食任揀, 而且時間尚早, 安排坐左壽司迴轉位, 方便拎野食.韓燒既肉類, 食物種類, 剩係牛,豬類都有4-5款, 肥牛呀, 一口牛呀, 豬頸肉, 五花腩, 樣樣都吸引.隨便拎左幾樣, 已經裝得滿滿.呢間韓燒好特別, 煎PAN上面有張塗滿油既紙, 睇到隔離枱係直接放上去燒, 我都有樣學樣.先放左五花腩, 豬頸肉等, 豬頸肉肉質嫩, 燒完唔乾仲幾彈牙. 五花腩夠薄, 所以好快熟, 煎到脆卜卜好香口.雞肉夠肥大肉厚, 夠嫩而且唔會太多肥膏, 不錯.仲拎要左D菇類, 仲有最正有鵝腸, 燒完好香口, 唔韌好爽口, 點埋醬汁非常惹味.另外有D熟食現成比人拎, 拎左款燒牛, 個汁幾惹味, 牛肉夠軟嫩, 食落無渣.呢度仲有幾款甜品, 西米露, 豆腐花, 雪糕, 蛋糕之類. 豆腐花自己"不", 唔易散開, 仲可以任加黃糖, 食落豆腐花好滑, 唔會太熱, 亦唔會太甜. 食完韓燒食D甜野中和下唔錯.響完呢度韓燒, 先發覺原來加張紙響煎PAN係無咁易燒到
上到去一入門口已經見好多野食任揀, 而且時間尚早, 安排坐左壽司迴轉位, 方便拎野食.
韓燒既肉類, 食物種類, 剩係牛,豬類都有4-5款, 肥牛呀, 一口牛呀, 豬頸肉, 五花腩, 樣樣都吸引.隨便拎左幾樣, 已經裝得滿滿.
呢間韓燒好特別, 煎PAN上面有張塗滿油既紙, 睇到隔離枱係直接放上去燒, 我都有樣學樣.先放左五花腩, 豬頸肉等, 豬頸肉肉質嫩, 燒完唔乾仲幾彈牙. 五花腩夠薄, 所以好快熟, 煎到脆卜卜好香口.
雞肉夠肥大肉厚, 夠嫩而且唔會太多肥膏, 不錯.
仲拎要左D菇類, 仲有最正有鵝腸, 燒完好香口, 唔韌好爽口, 點埋醬汁非常惹味.
另外有D熟食現成比人拎, 拎左款燒牛, 個汁幾惹味, 牛肉夠軟嫩, 食落無渣.
呢度仲有幾款甜品, 西米露, 豆腐花, 雪糕, 蛋糕之類. 豆腐花自己"不", 唔易散開, 仲可以任加黃糖, 食落豆腐花好滑, 唔會太熱, 亦唔會太甜. 食完韓燒食D甜野中和下唔錯.
響完呢度韓燒, 先發覺原來加張紙響煎PAN係無咁易燒到有黑色"鑊屎", 而且唔洗成日換PAN, 將D野倒來倒去, 不錯既心思.
張貼
