影片
更多
2021-10-21
638 瀏覽
地址－淥鼎記觀塘觀塘道414號壹亞太中心8樓有班同學仔好耐冇見，所以趁得閒就約左出黎食飯，因為佢地都係勁多野講，所以傾向搵D不限時任食的火鍋係最佳選擇，精挑細選下，又食多次呢問，今次唔同的係無限時任食，雖然肉都赤埋，但能夠同班同學仔分享近況同埋懷緬一下過去都幾好，雖然都係幾年前的事，嘻！💋6款錦繡前菜，係等齊人之前，首先點左D前菜先，我就揀左胡麻醬秋葵，鮑汁雞腳同埋手拍青瓜，講左秋葵先，佢個胡麻醬比得勁慷慨，又濃味，可以蓋過晒秋葵的缺點，令人食唔停口，鮑汁雞腳方面，佢煮得好淋，淋得黎岩岩好，又好入味，唔會太耐揀到散左，呢2款比我地叫左好多次XD，反而手拍青瓜就有點失色啦，唔太夠酸同辣，如果佢做辣D的話應該會幾好，可惜呢！💋日本直送時令刺身，等齊人就上左個刺身先，今次佢有三文魚腩，蝦，北寄貝，帶子，份量預你一人一份，佢個三文魚腩個位比得好好，好好彩比得幾好，食落真係幾新鮮下，佢話係日本直送我都相信的。💋招牌淥鼎記酸菜魚，食完個刺身後就奉上酸菜魚，反而成晚覺得呢款有點失色，雖然佢魚唔會一夾就散，都幾結實下，佢賣相都好似大6食開的樣子，但僅只於此！味道一點都唔酸，唔講以為食緊魚煲都會相信。💋
觀塘觀塘道414號壹亞太中心8樓
有班同學仔好耐冇見，所以趁得閒就約左出黎食飯，因為佢地都係勁多野講，所以傾向搵D不限時任食的火鍋係最佳選擇，精挑細選下，又食多次呢問，今次唔同的係無限時任食，雖然肉都赤埋，但能夠同班同學仔分享近況同埋懷緬一下過去都幾好，雖然都係幾年前的事，嘻！
💋6款錦繡前菜，係等齊人之前，首先點左D前菜先，我就揀左胡麻醬秋葵，鮑汁雞腳同埋手拍青瓜，講左秋葵先，佢個胡麻醬比得勁慷慨，又濃味，可以蓋過晒秋葵的缺點，令人食唔停口，鮑汁雞腳方面，佢煮得好淋，淋得黎岩岩好，又好入味，唔會太耐揀到散左，呢2款比我地叫左好多次XD，反而手拍青瓜就有點失色啦，唔太夠酸同辣，如果佢做辣D的話應該會幾好，可惜呢！
💋日本直送時令刺身，等齊人就上左個刺身先，今次佢有三文魚腩，蝦，北寄貝，帶子，份量預你一人一份，佢個三文魚腩個位比得好好，好好彩比得幾好，食落真係幾新鮮下，佢話係日本直送我都相信的。
💋招牌淥鼎記酸菜魚，食完個刺身後就奉上酸菜魚，反而成晚覺得呢款有點失色，雖然佢魚唔會一夾就散，都幾結實下，佢賣相都好似大6食開的樣子，但僅只於此！味道一點都唔酸，唔講以為食緊魚煲都會相信。
💋花膠美人鍋，食完個魚後就揀返個湯底黎打邊爐，咁呢度咁多美女，當然揀返個美人鍋黎錦上添花一下吧，哈，但一上枱時見到都幾清下，飲落都唔太夠味，而花膠就感覺太好咁，麻麻地啦，宥點失望囉！
💋美國Prime牛小排，佢一上枱時直頭嘩一聲，佢排到勁高，勁靚，牛肉食落真係有級數的分別，肉質都幾實淨又有牛味，有部份人唔食牛，咁我只好善心大發一下幫下手咁啦XD。
💋時令4-6款豪華海鮮拼盤，佢今次有蝦，鮑魚，元貝同蜆，岩岩好4款，多一款都冇！佢隻蝦最有驚喜，雖然唔係好大隻，但食落肉質的幾彈牙，應該幾新鮮下，元貝就略為細隻左D，鮑魚就普普通通啦，係容易脫殼令佢加分唔少，蜆都算大隻，而且冇沙，算係水準之作啦！
火鍋配料方面，佢有好多配料都係出面自取的，而我強力推介係佢個西洋菜，佢西洋菜係食落冇渣，好少食到D西洋菜係唔使吐渣，我估揀菜方面都幾有心機，我地食左幾盆都一樣水準，做得幾好！
張貼
