影片
更多
2018-11-21
3610 瀏覽
香港邊個打工仔唔OT，好在OT完有朋友雪中送炭陪我食飯，仲揀左間高質日本野同我打打氣！ 餐廳開到12點，遲少少上去都夠時間慢慢食。一出電梯就見到好搶眼嘅招牌同大大個魚缸。座位設計令每張台都有私人空間，幾適合同朋友傾計聚會。 餐牌勁厚而且選擇好多，各式日本料理到近排好多人食嘅磯燒都有。先上六點刺身盛，有三文魚、帆立貝、甜蝦、左口魚、金目鯛及油甘魚，最喜歡厚切嘅刺身，夠口感。左口魚平時較少食，肉質爽甜，加埋味噌一齊食幾特別。 第一次食蜜柑鯛，本來以為肉質是比較結實，估唔到非常柔軟。用天婦羅方式烹調做到外面脆身魚肉軟綿綿嘅效果，口感好好。個人幾鍾意食煙薰過嘅食物，鰹魚煙薰效果做得好好，香但唔會過於濃烈。和牛油脂分佈同肉質的確係好出色，簡單用鹽加胡椒調味已經足夠，牛味濃郁。 夾埋蔥同炸蒜片一齊食好豐富，亦減輕油膩感，不過蒜片偏硬，再脆身少少口感會更好。蘆筍雖然只係伴菜，但好嫩冇渣，睇得出餐廳夠細心唔馬虎。 食咁多濃味野黎番個清淡嘅先，平時好鐘意食貝殼類，淨食燒地蛤就真係比較少，大大隻好肥美。湯非常清爽，除左地蛤嘅鮮味仲有淡淡酒香同柚子香。 每次去有磯燒食嘅餐廳都會點一個蟹膏甲羅燒，因為
餐廳開到12點，遲少少上去都夠時間慢慢食。一出電梯就見到好搶眼嘅招牌同大大個魚缸。
座位設計令每張台都有私人空間，幾適合同朋友傾計聚會。 餐牌勁厚而且選擇好多，各式日本料理到近排好多人食嘅磯燒都有。
先上六點刺身盛，有三文魚、帆立貝、甜蝦、左口魚、金目鯛及油甘魚，最喜歡厚切嘅刺身，夠口感。左口魚平時較少食，肉質爽甜，加埋味噌一齊食幾特別。
第一次食蜜柑鯛，本來以為肉質是比較結實，估唔到非常柔軟。用天婦羅方式烹調做到外面脆身魚肉軟綿綿嘅效果，口感好好。
個人幾鍾意食煙薰過嘅食物，鰹魚煙薰效果做得好好，香但唔會過於濃烈。
和牛油脂分佈同肉質的確係好出色，簡單用鹽加胡椒調味已經足夠，牛味濃郁。 夾埋蔥同炸蒜片一齊食好豐富，亦減輕油膩感，不過蒜片偏硬，再脆身少少口感會更好。蘆筍雖然只係伴菜，但好嫩冇渣，睇得出餐廳夠細心唔馬虎。
食咁多濃味野黎番個清淡嘅先，平時好鐘意食貝殼類，淨食燒地蛤就真係比較少，大大隻好肥美。湯非常清爽，除左地蛤嘅鮮味仲有淡淡酒香同柚子香。
每次去有磯燒食嘅餐廳都會點一個蟹膏甲羅燒，因為太鍾意食蟹膏啦！
加左鵪鶉蛋同牛油令質感更軟滑，蟹膏甘香但唔會過咸，配埋烘熱左嘅多士食一流。
魚湯烏冬可以話係今晚最有驚喜，扁身烏冬掛湯效果好好，而且好煙韌，魚湯非常鮮甜濃郁，最尾連湯都飲埋。
食埋個抺茶雪糕就完美，朋友話要試新野點左Wasabi味，試左少少都幾辣，但估唔到Wasabi做雪糕聽落奇怪食落都幾夾。 同好朋友傾計呻哂D怨氣，成個人舒服哂！
張貼
