大山日本料理

營業中

休息中

去開西洋菜街行街，經過見到呢間餐廳嘅MEUN價錢平而且選擇多，就同朋友喺度食晚飯。極上北海道帶子丼 $128夏日炎炎特別想食魚生～呢個刺身丼好足料！有帶子、甜蝦、三文魚、三文魚子同玉子燒，材料豐富、份量大方帶子肉質鮮嫩，味道甘甜；甜蝦大大隻，好甜好黏口；三文魚都幾肥美，夠新鮮；三文魚子大粒飽滿 ，鹹鹹地咁好啱送飯，配刺身丼就一流燒雞泡魚干 $68好鍾意食雞泡魚干，口感煙韌，甜甜地咁非常香口，唔使點沙律醬都好好食。鍋仔手打烏冬（豚骨湯） $78食食吓先記得影相鍋入面有嘅配料有：雞肉、雞蛋、冬菇、大蔥同鳴門卷，成個鍋仔咁上好得意。豚骨湯底非常香濃，手打烏冬煙煙韌韌，簡簡單單都好好食。跟養會有條炸蝦天婦羅，襯熱食脆卜卜都炸得唔錯。