稻香超級漁港 (已結業)

昨晚同一班朋友於上址火鍋放題，九點後價錢十分平宜，但越食越怒氣。話說我地九點半終於有位坐，之後第一時間點食物，仲要每人加$38蚊食靚啲嘅牛肉。等等等....十點先黎一碟「豆腐」！之後叫侍應追單，佢話全埸冧檔要等下。再等多十五分鐘，終於有嘢食黎......牛肉點五碟黎二碟，新鮮肉丸一碟都無，仲話要自己出去夾急凍魚蛋。生蝦變急凍熟蝦.....根本無法接受!十點半前黎左一轉食物，但已經話要埋數收錢，仲話十一點最後點餐!但仍有十分九食物未出過。最過份不止如此。付款後繼續食，但我們食了頭十碟牛肉之後睇侍應推出一碟較大較靚的牛肉，查問後先發現佢地一路都俾錯牛肉我地，但錢照加!!真心奉勸一句，如果個埸唔夠人手或經驗切勿做火鍋放題+小菜!眼見小菜顧客催三碟餸，45分鐘後都未上，最後嬲爆走人!怒氣的一餐。