肉骨皇 (已結業)

近門口竟然有個電視仔可以睇到出面有冇抄牌，好鍾意餐廳呢個細心位，早知今日揸車啦。肉骨茶用個火爐仔興住，咁就確保食到最後一啖都仲係熱辣辣啦，嗰個爐仔好特別，咁細個唔知邊度擺 gas 既呢？肉骨茶有好濃嘅藥材味，將肉骨點一點佢嘅蒜蓉甜豉油，絕對係提哂鮮啊。馬拉盞炒蘿蔔糕，炒得唔算油膩，餐廳選用既蘿蔔糕本身已經好好味，仲連埋馬拉盞一齊炒，夾埋佢啲蛋絲同埋芽菜一齊食就更加惹味啦。花甲咖哩喇沙，見佢個花甲喺餐牌入面有手指頭所以揀咗佢，個湯底唔錯，夠哂椰香味，如果個花甲能夠再新鮮啲就更加好喇。