樂天經典 (已結業)

難得周末個個都得閒，由於在openrice 得悉午市及宵夜時段，單點餐牌有68折（12-3pm & 9:30pm-01:00am)，一於試一試來樂天經典聚餐，取代平時的飲茶食點心。我哋一坐下看餐牌就已經好快決定左點黑胡椒蟹$468，明碼實價。蟹是肉蟹很大隻，外壳非常堅硬，作為女生出盡力才能用工具開到蟹鉗的殼，但係啖啖鮮甜彈牙既蟹肉絕對值得出此功夫。爸爸點了他最愛的家鄉滷元蹄$168，大大的一整個元蹄炆得軟綿入味，他吃了一整隻，希望不會血壓上升。沙煲天麻黃酒雞$144，很重黃酒味，喜歡醉雞的一定會飲埋個湯，好香酒味呢。臘味炒飯炒得剛好，要趁熱食。招牌扣肉包最推薦， 扣肉炆得軟淋調味剛好，配上芫茜生菜夾在包中，入口是中式包的香甜鬆軟，之後就混合左豬肉既油甘香同芫茜既清爽，簡單但絕配。小食中冰鎮苦瓜最特出，而且最岩夏天食，片狀既苦瓜浸左冰水很爽口，蘸上桂花蜜十分清新，而且冇左澀澀的苦味。一家大細都食得開心，出街食下新菜式不失為一個很好的家庭活動。