貊炙

營業中

休息中

朋友帶我去公司附近嘅呢間韓式扒房晚飯，餐廳將韓式燒肉文化同扒房融為一體，令整體格局提升，有大量卡位位置，有氣派又坐得舒適，有多款酒精飲品供選擇，適合節日慶祝或商務飯局。兩個人想試多啲款式，所以決定揀廚師發板 🥩 Steak Omakase Selected Cuts（$720 位，兩位起）🥗🦐 頭盤先嚟季節沙律同醬油盛合，上菜速度快，有多款韓式前菜、沙律、醬油蝦及帶子，賣相精緻、排場十足，望到已經食指大動。每款前菜都正宗脆口，可以無限添加，大蝦帶子大大隻軟滑鮮嫩，醬汁鹹香帶鮮味。🥩🍖食完前菜就上燒肉，跟餐有牛小排、五花肉、豬梅肉、肉眼，用砧板上擺盤用心，店員服務貼心，不時主動提出代燒服務。我哋要求肉眼扒要五成熟，燒爐火喉十足，生熟度控制得剛好，熟成牛牛味香濃，入口即溶；其他三款肉類用料上乘，呢個爐可以完美保留肉汁，簡單落鹽調味已經食到原汁原味嘅滋味。🐙八爪魚飯八爪魚飯賣相一樣咁精緻，配埋微辣惹味嘅醬汁，啖啖鮮味，食唔停口。🍨最後以一道特色甜品- 米酒Tiramisu 作結，口感順滑，簡單美味。💁🏻‍♀️整體用餐體驗非常滿意，環境、服務同食物質素一樣高，適合詳談嘅好地方。