陳儀興尚潮樓 (英皇道)

營業中

休息中

呢間餐廳好岩同長輩，親戚同家庭聚會黎，7點黎到都好full, 好在有book位。頭抽煎英倉，係大條魚片出黎既嫩滑魚肉，冇骨，外皮仲煎到金黃香脆! 滷水拼盤，有大腸、生腸、墨魚、腩肉、元蹄、豆腐， 墨魚好彈牙爽口， 元蹄D肉夠瘦，D腸洗得好乾淨，墊底竟然有滑滑既豆腐，全個拼盤都好正岩一家人食。方魚炒芥蘭， 芥蘭苗非常幼嫩，配埋方魚既咸香，愈食愈滋味。胡椒咸菜鮮豬肚湯，胡椒味重好惹味，鮮豬肚好爽好好味! 功夫茶，濃茶飲完會回甘，果然勁!每樣既份量都足夠，用料又靚，有D位仲有中式屏風隔住，私隱度高，非常適合家庭聚會。