泰贊- 創意泰餐廳 (已結業)

約左個女仔朋友去食哩間泰國菜，當日好好彩唔洗等好耐位就有得入。原來佢唔係純泰國菜咁簡單，算係新式泰菜，小菜價錢多數50-70，其實算係咁。叫左個肉碎生菜包、三文魚薄餅多士、泰式大蝦炒金邊粉，黎到嘅野食幾精緻、「的適」，所以點解我話岩女仕們聚會食，男仕去係要叫多好幾樣兼會唔夠飽講番野食， 肉碎生菜包酸度同辣度岩岩好，就算唔包菜都可以空口食，三文魚薄餅多士，個三文魚係撈左小小醬，加埋幾舊細細舊既薄脆，夾埋都幾好食！大蝦炒金邊粉就有泰國街頭嘅風味，偏甜，但都okay好食，好香好入味！最後就叫左甜品 朱古力窩夫，始終都係甜品店好食d，不過一次半次試下又無妨！