盈翠軒 (裝修中)

今個假期同家人去左澳門玩 我地上船前食左哩間中菜 個個食完都表示讚好 點心同小菜都好食先講點心款式頗多 點心價錢由十幾至二十幾蚊不等 喺尖沙咀黎講都算合理價錢 蝦餃爽口大粒 燒賣配黑松露好香好味哩盅係花膠竹笙灌湯餃 個湯底好鮮甜 有埋花膠食都好足料 唔錯！蒸腸粉入面包住炸腐皮同大蝦 淋上醬油真係好食！腸粉皮薄同滑 包住脆香腐皮一滑一脆口感好豐富哩個小菜叫香煎百花龍躉扒 估唔到魚肉下面夾有蝦滑 整個配搭得好好！哩碟燒鵝肉厚多汁 店員話係新鮮燒好 目測好多枱都點左哩道 應該係哩間酒樓既招牌菜中式茶壺倒出黎既咪以為係茶呀其實係哩度既特色燉湯 哩壺係姬松茸螺頭湯 味道清甜足料 夠晒火候呀！