養心殿台式養生鍋 (已搬遷) 新店位置

台式麻辣火鍋😍-每次去台灣都一定要打邊爐，佢地啲麻辣火鍋香多過辣唔係好過癮，不過司令都係有舖癮要不停食鴨血同豆腐😂。今次居然係香港食到相當台灣風味既火鍋，即刻要去止下台灣癮。-麻辣拼美人鍋($188)美人鍋有桃膠、烏雞、杞子、金華火腿，相當足料😱，食落偏清，骨膠原十足。麻辣雖然揀左大辣，不過都唔係好辣，勝在鍋底多料，而且有得免費加一次鴨血😍。-配料方面選擇都唔少，最推薦係櫻桃鮮滑鴨片（$68），上枱時都係一卷一卷咁，好得意，而且好少打邊爐會食到鴨，味道仲唔錯添😚。如果想台灣啲，可以叫埋台灣A菜($48)，正😎。