燒烤堂

營業中

休息中

之前食過尖沙咀燒烤堂，一直都令一回味！今日放假同朋友去咗荃灣分店！餐廳裝修以日式和風為主， 感覺令人好舒服！ 串燒除日底仲有泰式、川式等，選擇都好多款！一口氣叫咗10幾款😂必食鹽燒豚肉荔枝卷，外層豚肉燒過 有油膩香內裏荔枝甜甜，整個感覺好開胃又唔會油膩！ 蒜蓉燒廣島蠔好抵食，廣島蠔鮮味十足，蒜蓉味香濃，好值得encore☺厚切鹽燒牛舌拖羅口感豐富細嫩帶juicy,有嚼勁！川式同樣出色孜然豚肉芫茜卷，冇諗過2 款重口感夾埋咁match, 鐘意芫茜嘅朋友一定要食！孜然同芫茜味都好香濃，口感juicy ! 而麻辣豬大腸燒過後，豬大腸油味香，帶點麻麻辣辣，真係次次嚟都要食！飲品方面，揀咗即打士多啤梨乳酸， 士多啤梨酸酸甜甜，配乳酸感覺好解暑！另外一杯係百香果烏龍茶， 百香果鮮甜清新，烏龍茶香可中和串燒嘅油膩感☺