影片
更多
2023-01-17
48 瀏覽
呢間串燒店喺燒烤界都幾出名🤣成日聽人講去食串燒都係去呢間🫣呢次同一大班朋友去食，就可以有機會試好多唔同款嘅野😋終於明白點解佢咁出名！因為真係好正😍我哋嗰晚臨時book，9點半先去，等咗一陣就有位，驚喜嘅係佢竟係俾咗間私人房我哋😍係要除鞋入去，裡面嘅設計都好和風🥰超有feel😍啱哂一班人去，而且食完又唔會搞到個身臭哂！🫶🏻店嘅菜單真係超級多選擇，選擇困難症嘅人要注意⚠️🌟焦糖青蘋果鴨肝多士 $88 (3/5)佢係十大必食推介嘅其中一樣🤣點都要叫嚟試下！本身以為佢應該係勁細舊(高級餐廳嗰啲🤭)，點知上枱比我想像中大份，目測都大過一部iphone😳鴨肝好大塊，上面淋咗啲甜甜地嘅醬汁，食落油脂香味重，而且入口即溶，配合焦糖青蘋果嘅甜味，唔單止中和左油膩感，而且鹹甜鹹甜咁好特別😋重點係多士真係超脆，佢仲好似係用咗五穀包，所以食落更加有口感，每個部份都做得好好～有誠意！雖然都唔平🫣🤣🌟焦糖鰻魚芝士玉子燒 $28/串 (3.5/5)呢個係我覺得必叫嘅款🫶🏻雞蛋控必食🤣玉子金黃色，大大嚿好有厚度，而且上面有層焦糖脆面，食落充滿焦糖香，蛋味好濃，而且都算幾嫩💕中間夾住鰻魚塊，味道好夾😋但鰻魚份量好少🥺大舊
🌟焦糖青蘋果鴨肝多士 $88 (3/5)
佢係十大必食推介嘅其中一樣🤣點都要叫嚟試下！本身以為佢應該係勁細舊(高級餐廳嗰啲🤭)，點知上枱比我想像中大份，目測都大過一部iphone😳鴨肝好大塊，上面淋咗啲甜甜地嘅醬汁，食落油脂香味重，而且入口即溶，配合焦糖青蘋果嘅甜味，唔單止中和左油膩感，而且鹹甜鹹甜咁好特別😋重點係多士真係超脆，佢仲好似係用咗五穀包，所以食落更加有口感，每個部份都做得好好～有誠意！雖然都唔平🫣🤣
🌟焦糖鰻魚芝士玉子燒 $28/串 (3.5/5)
呢個係我覺得必叫嘅款🫶🏻雞蛋控必食🤣玉子金黃色，大大嚿好有厚度，而且上面有層焦糖脆面，食落充滿焦糖香，蛋味好濃，而且都算幾嫩💕中間夾住鰻魚塊，味道好夾😋但鰻魚份量好少🥺大舊少少就好了
🌟鹹蛋黃煎墨魚餅 $68/份 (4/5)
呢個幾特別！手掌✋🏻咁大塊嘅墨魚餅上面搽滿咗金黃色嘅鹹蛋黃醬，食落去好有鹹蛋黃香😍仲有沙沙嘅口感😋墨魚餅好彈牙，而且墨魚味都好濃🥰
🌟豚肉節瓜波板糖🍭(附月見) $38/份 (2.89/5)
望到餐牌大家都好好奇咩係波板糖🤣所以就叫咗嚟食😳原來佢係豚肉片同節瓜片捲埋一齊，望落去就好似一支波板糖🤓仲有蛋汁俾你點😝豚肉片有啲似五花腩，比較肥，連埋節瓜片一齊食就平衡返，但食落覺得冇乜特別～
🌟提燈 $38/串 (2.75/5)
朋友介紹先知有提燈呢樣野😱串野好似提住嘅燈籠咁，原來佢係由母雞嘅輸卵管、卵巢同未成熟未有殼嘅雞蛋黃所組成😳並唔係每隻母雞都會有😳一開始聽到覺得好核突，點知食落又幾特別🫢佢個蛋黃味係比起普通蛋黃香濃，而且做到溏心嘅效果😋而中間嘅嗰條管有啲似橡筋🤣冇乜味😂😂幾搞笑，唔係間間串燒舖都有，值得一試🤣
🌟厚切鹽燒牛舌腩 $48/串 (4/5)
真係幾好厚，咬落去仲有少少粉紅色，肉質好嫩、好彈牙😋好夠味，咬落油脂爆發～
🌟汁燒免治雞肉軟骨棒 (附月見) $38/串 (3/5)
咬落去食到雞軟骨碎，幾有口感～
🌟明太子雞腿肉 $28/串 (2.5/5)
雞腿肉串上面淋滿咗明太子醬汁，但食落明太子味唔突出，而且肉質唔算好滑～正正常常
🌟黃花魚一夜乾 $98/條 (3.89/5)
超大條嘅黃花魚😋燒到外皮好脆，裏面好juicy同魚油味重，仲可以點秘製嘅醬汁，識落好香口好惹味🥰
🌟黑魚子蟹肉鱈魚乾 (3件) $48/份 (3/5)
鱈魚乾食落好似餅乾🤣超級脆～蟹肉堆到成座山咁，食落幾鮮甜，不過黑魚子就冇乜味～存在感唔高🫢
🌟黑毛豬五花腩 $28/串 (3.3/5)
五花腩半肥瘦😋食落油脂爆發，肉味都好濃～好正！
🌟秘製燒羊架 $48/份 (3.5/5)
羊架好肥美，大大隻😎用咗孜然粉五香粉呢啲去醃，食落好香口，而且裏面仲係好粉嫩，好淋好juicy😉而且羊臊味唔會好勁～
🌟雞皮墨魚滑 $38/串 (3.23/5)
呢個都幾得意🥸佢係雞皮包住墨魚滑，再燒香外皮，所以外面脆脆地，有微微嘅焦香～每舊都好飽滿，食落去係啖啖墨魚滑🤓
🌟芝士燒廣島蠔 (兩隻) $48/份 (3/5)
幾大隻！咬落去爆汁超juicy~芝士味都好濃😝
🌟牛油蒜蓉焗金菇 $32/份 (3.5/5)
大大份😋用錫紙包住熱辣辣，蒜蓉份量好多🤤牛油味都好香
🌟孜然燒蒜蓉茄子 🍆 $36/條 (3.89/5)
呢個好味喎！😍本身個人唔係好鍾意茄子，不過佢條茄子超大份，上面有好多孜然蒜蓉調味，所以食落去好香口惹味🤣
🌟日本芝士年糕 $38/份 (4/5)
超鍾意呢個😍🤣用燒烤嘅方式烤芝士年糕，外皮微焦，咬落去會好似棉花糖咁軟綿綿💕佢仲有得點煉奶🤤加埋中間嘅芝士鹹甜鹹甜咁好正好邪惡😈
🌟惹味爽雞腎 $28/串 (2/5)
好爽口，但醃得太鹹😵食完一粒狂飲水😵💫唔使特登叫～
另外仲叫咗以下嘅野，不過冇乜特別就唔寫啦🤣
🌟鹽燒白鱔 $48/串
🌟鹽燒雞中翼(兩隻) $20/串
🌟鹽煮枝豆 $28/份
🌟鹽燒翠玉瓜 $16/串
🌟明太子淮山燒 $26/串
🌟鰻魚炒飯 $58/份
🌟香草蒜蓉包 $18/份
🌟鹽燒椰菜仔 $20/串
🌟手釣墨魚鬚 $22/串
🌟冷泡白桃烏龍茶 $18/1
🌟咸檸七 $22
總括嚟講呢間真心係好高質嘅串燒屋❤️當然啦，價錢都唔係平～但無論食物質素、服務定環境都做得好好，係舒服嘅享受💛如果想用間房嘅話建議提前book同埋要同職員講定～
加一服務費：✅
回頭率：❤️❤️❤️❤️ (5個❤️為滿分)
📍地址：燒烤堂 (旺角)
旺角通菜街1A-1L號威達商業大廈3樓A室
張貼
