Dodam Chicken (1亞太中心) (已結業)

去開APM行街，通常都會行多兩步去隔離嘅亞太中心食飯，貪佢冇咁多人唔使等好耐。上OPENRICE見到呢間來自韓國嘅DODAM網上訂座有折，就一於試吓。辣卡邦尼ROSE炒年糕隻辣卡邦民醬勁好味，芝士味香濃幼滑，辣辣地噉非常惹味；成份炒年糕嘅材料好豐富，有年糕條、韓式扁粉絲、魚糕、獅子狗同椰菜等，每一啖都可以食到唔同材料，一定唔會悶主角年糕條煙煙韌韌，扁粉絲好入味好正。蜂蜜牛油香蒜焗烤雞即叫即烤，熱焫焫新鮮上檯，餐廳有提供膠手套畀食客拎住食，不過啲雞熱到差啲拎唔到雞件份量都幾多，烤得好好，外層香口，雞肉juicy嫩滑，配埋個又香又甜嘅蜂蜜牛油，好開胃呢度嘅烤雞質素果然有保證～送嘅醃蘿蔔酸酸地噉，清新解膩。