石磨坊 (已結業)

食到飽飽嘅情況下, 師傅同食家"乜都放入窿"就由大角咀步行出旺角, 當做運動, 幫助消化啦; 點知行到出去, 身水身汗兼熱到傻, 於是乎師傅提議去食甜品, 就喺發記同石磨坊二選一, 最後還是揀左後者!入到去都唔少人, 搵個位坐底後, 伙計就自動放底左個餐牌, 效率相當之快, 最後師傅柯打個椰汁西瓜刨冰, 要食家"乜都放入窿"就柯打左碗芝麻合桃糊!甜品好快就到, 久別重逢嘅冰柱再次出現喺師傅面前, 精神唯之一掁, 椰香西瓜刨冰周圍鋪滿了西瓜, 底下還有涼粉, 賣相真係一流, 食落都幾冰凍, 有透心涼嘅感覺, 不過糖水仍然好多, 所以好甜, 如果冇咁甜就仲好, 要扣分, 西瓜就好清甜, 都算唔差; 而食家"乜都放入窿"嘅芝麻合桃糊, 師傅就冇試過, 應該不會太差啩!總括黎講甜品都算尚可, 刨冰柱個賣相確實吸引, 值得加分; 地方都算光猛乾淨, 服務態度普通, 價錢中價啦; 大熱天時行到身水身汗, 搵個地方過下冷河, 師傅覺得食個甜品都係一個唔錯嘅選擇, 有機會下次仍會再黎!