73
43
20
等級4
10月24日, 經過開太古城, 想食日本野, 諗起康怡吉之島呢邊比較多選擇, 就嚟到再慢慢揀, 呀菲話想試下呢間日本拉麵~ 原本我就唔係太想食, 因為年前剛開業試過一次, 發覺排隊時間, 價錢同味道不成正比. 自此都blacklist咗佢, 仲好慶幸當時我地去北海道係食咗梅光軒而唔係錯誤選擇嘅山頭火! 不過隔咗咁耐, 而呀菲又未食過, 咁我地就再試一下啦… 今日嘅山頭火已經冇昔日咁大條隊, 等5分鐘就有位喇.::: 秘製山頭火飯定食 (辣味麵豉拉麵) ::: $73一個拉麵加飯嘅配搭, 多數人都會將重點放喺拉麵度啦, 但係竟然相反, 嗰個秘製山頭火飯反而比拉麵好食~先講拉麵, 辣味麵豉拉麵一來就已經聞到好濃嘅味道, 一層濃厚嘅辣油浮面, 感覺好似出前一丁嗰隻香辣豬骨湯底杯麵… 鍾意清淡湯底嘅人絕對唔會覺得佢好食. 對我嚟講都可以接受, 一喝湯底果真太過濃烈, 有少少嗆喉, 仲幾鹹添! 而麵條佢係屬於剛熟比較硬嗰隻, 好處係有咬口同彈牙d, 蛋味比較重, 當然佢唔太索到湯而唔太入味~ 配料方面有荀, 海帶, 椰菜絲加一塊叉燒, 份量好少, 冇乜特別所以都唔駛加錢再要多幾塊… 總括整個拉麵
更多
10月24日, 經過開太古城, 想食日本野, 諗起康怡吉之島呢邊比較多選擇, 就嚟到再慢慢揀, 呀菲話想試下呢間日本拉麵~ 原本我就唔係太想食, 因為年前剛開業試過一次, 發覺排隊時間, 價錢同味道不成正比. 自此都blacklist咗佢, 仲好慶幸當時我地去北海道係食咗梅光軒而唔係錯誤選擇嘅山頭火! 不過隔咗咁耐, 而呀菲又未食過, 咁我地就再試一下啦… 今日嘅山頭火已經冇昔日咁大條隊, 等5分鐘就有位喇.
座位雖少, 但係算闊
56 瀏覽
0 讚好
0 留言
::: 秘製山頭火飯定食 (辣味麵豉拉麵) ::: $73
一個拉麵加飯嘅配搭, 多數人都會將重點放喺拉麵度啦, 但係竟然相反, 嗰個秘製山頭火飯反而比拉麵好食~
先講拉麵, 辣味麵豉拉麵一來就已經聞到好濃嘅味道, 一層濃厚嘅辣油浮面, 感覺好似出前一丁嗰隻香辣豬骨湯底杯麵… 鍾意清淡湯底嘅人絕對唔會覺得佢好食. 對我嚟講都可以接受, 一喝湯底果真太過濃烈, 有少少嗆喉, 仲幾鹹添! 而麵條佢係屬於剛熟比較硬嗰隻, 好處係有咬口同彈牙d, 蛋味比較重, 當然佢唔太索到湯而唔太入味~ 配料方面有荀, 海帶, 椰菜絲加一塊叉燒, 份量好少, 冇乜特別所以都唔駛加錢再要多幾塊… 總括整個拉麵都好細個, 份量好少.
到比較出色嘅秘製山頭火飯, 份量雖然同樣地少, 不過味道方面就幾突出! 呢個秘製飯都係用番拉麵嗰d配料, 有叉燒粒, 荀同埋海帶, 但係味道幾夾, 再加咗d醬油去炒, 食落幾香wor, 唯獨係飯濕咗d~ 而個飯又可以中和番拉麵嘅濃味~
秘製山頭火飯定食 (辣味麵豉拉麵)
64 瀏覽
0 讚好
0 留言
::: 牛油炒帶子飯定食 (醬油拉麵) ::: $75
要講咗個飯先, 呢個牛油炒帶子飯真係好好味!!! 雖然只係一碗飯仔, 上面有d紫菜絲, 盛著三隻一蚊銀咁上下大嘅帶子… 但已經好香好香~ 帶子唔大隻, 但夠新鮮彈牙. 不過最重點其實係d滲滿牛油汁嘅飯! 鹹香嘅牛油汁中又帶著帶子嘅甜味, 仲有d紫菜絲一齊發功, 淨係食飯都已經好滿足~ 極推介!!!
醬油拉麵都唔錯~ 湯底濃濃的~ 可能因為夠杰身所以可以佔上麵身, 麵條都係剛熟有咬口嘅質地, 當重嘅蛋香味同湯底又好夾wor~ 配料味道就正正常常, 無乜特別.
牛油炒帶子飯定食 (醬油拉麵)
75 瀏覽
0 讚好
0 留言
感覺係比上次食好咗d, $5x一個拉麵同樣地細就真係好唔滿足, 加咗個飯, $7x好似就多d野食咁~ 今次之後, 就由blacklist度刪除, 不過同日本比較尚有一大段距離~
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2010-10-24
等候時間
5 分鐘 (堂食)
人均消費
$82 (午餐)
推介美食
座位雖少, 但係算闊
秘製山頭火飯定食 (辣味麵豉拉麵)
牛油炒帶子飯定食 (醬油拉麵)