影片
更多
2022-08-19
1007 瀏覽
東涌sheraton酒店原來有個好渡假feel嘅地方難得同老公咁遠黎到東涌 梗係去打下卡啦今次揀咗呢間餐廳 景觀唔錯 仲可以望倒飛機升降佢地嘅週末早午餐幾吸引($248) 自選前菜同主菜 仲包埋甜品 Egg Benedicts前菜除左有大路嘅沙律 麵包之外 竟然有egg benedicts 平時去cafe成日都會嗌 當然唔會錯過😝水波蛋其中一隻熟左少少 不過個出色荷蘭醬補救返Fish & Chips平時少食炸野嘅我 食炸魚薯條嘅次數一隻手數得哂通常都係去旅行 啲人推薦邊間餐廳好 先會去試下 黎到呢度有種旅行幻覺 見隔離枱食得好滋味 所以就叫左而呢度嘅炸魚薯條認真好出色 完全冇浪費我炸野quota炸粉好薄好酥脆 魚肉嫩滑 配埋個特調他他醬 非常滿足Tagliatelle ($178)全蛋幼扁麵配意大利煙肉 雞油菌手工製嘅意大利粉係特別有咬口意大利煙肉煎得好香 肥膏邪惡得黎好好味配料份量幾慷慨 就連橄欖油都落得比較重手食到一半就覺得有少少油膩 但我地都豁咗出去食清光Daily chef's selection當日嘅甜品係朱古力蛋糕 欣賞佢唔會好甜蛋糕texture好實在 啖啖都充滿濃厚朱古
難得同老公咁遠黎到東涌 梗係去打下卡啦
今次揀咗呢間餐廳 景觀唔錯 仲可以望倒飛機升降
佢地嘅週末早午餐幾吸引($248) 自選前菜同主菜 仲包埋甜品
Egg Benedicts前菜除左有大路嘅沙律 麵包之外 竟然有egg benedicts
平時去cafe成日都會嗌 當然唔會錯過😝
水波蛋其中一隻熟左少少 不過個出色荷蘭醬補救返
Fish & Chips平時少食炸野嘅我 食炸魚薯條嘅次數一隻手數得哂
通常都係去旅行 啲人推薦邊間餐廳好 先會去試下
黎到呢度有種旅行幻覺 見隔離枱食得好滋味 所以就叫左
而呢度嘅炸魚薯條認真好出色 完全冇浪費我炸野quota
炸粉好薄好酥脆 魚肉嫩滑 配埋個特調他他醬 非常滿足
Tagliatelle ($178)全蛋幼扁麵配意大利煙肉 雞油菌
手工製嘅意大利粉係特別有咬口
意大利煙肉煎得好香 肥膏邪惡得黎好好味
配料份量幾慷慨 就連橄欖油都落得比較重手
食到一半就覺得有少少油膩 但我地都豁咗出去食清光
Daily chef's selection當日嘅甜品係朱古力蛋糕 欣賞佢唔會好甜
蛋糕texture好實在 啖啖都充滿濃厚朱古力味
張貼
