丸十日本食堂 (已結業)

來葵芳新都會買啲嘢，順便食番餐late lunch，咁啱見到呢間唔洗排隊，又係日式，決定試試佢。入到來環境舒適企理，唔算多人，都算淨。檯面有晒所需餐具同水。來到已經係下午茶時間，睇佐menu後決定要鮪魚海膽丼☺️抹茶似乎都係餐廳既主打，所以追加一份抹茶雪糕配紅豆，白玉丸子。主食好快來到，海膽唔算特別好味，有些少腥味，但入口都creamy；米飯粒粒分明，夠醋味，配上紫菜唔需要再另外落醬油，整體都滿意🥰抹茶雪糕偏甜份量足，紅豆反而比我想像冇咁甜，配搭上來都可以過過我既抹茶抹茶癮🥳 至於丸子似乎未完全解凍？有啲位係影既。。