影片
更多
2023-09-25
3738 瀏覽
Umi 📍銅鑼灣告士打道229-230號宇宙商業大廈13樓雖然未有得睇煙花，但都想到訪下呢間近排人氣高企嘅呢間海景餐廳。呢晚我就同朋友一齊book咗位食晚餐，好幸運地坐到窗口位，睇住夜景食飯，享受星期五嘅晚上。 💰$148火炙北海道帶子明太子意粉 🍝難得book到檯，當然要試下人人都推介嘅火炙北海道帶子明太子意粉啦！佢最signature嘅地方，就係一串三粒嘅北海道帶子，粒粒飽滿多汁，火炙過嘅位置特別香，一啲都唔韌，推介！明太子意粉好多料，啖啖都食到明太子、蟹籽同蟹棒肉。意粉口感creamy，既帶鮮蕃茄嘅酸，又有茄汁嘅甜，無論大人定小朋友都會喜歡。 💰$158蒲燒鰻魚意大利丼飯 🍱另一人氣主菜就係鰻魚意大利丼飯，原條鰻魚灑滿柴魚、配有紅薑片、蛋絲同日本大蔥絲，同一般日式丼飯無太大分別。但其實佢嘅飯底係risotto嚟㗎，所以味道特別香，口感特別滑。Fusion得嚟唔會伏，好啱成日三心兩意，有選擇困難症嘅朋友食。原條鰻魚的確厚肉，塗滿燒汁蒲燒後份外惹味，但食嘅時候要小心細骨呀。 💰$78 (套餐 +$88，可自選飲品及甜品)薄荷朱古力牛角窩夫 🥐前排介紹過同屋企人食croffle，朋友睇
📍銅鑼灣告士打道229-230號宇宙商業大廈13樓
雖然未有得睇煙花，但都想到訪下呢間近排人氣高企嘅呢間海景餐廳。呢晚我就同朋友一齊book咗位食晚餐，好幸運地坐到窗口位，睇住夜景食飯，享受星期五嘅晚上。
[價錢 Price]
💰$148
火炙北海道帶子明太子意粉 🍝
難得book到檯，當然要試下人人都推介嘅火炙北海道帶子明太子意粉啦！佢最signature嘅地方，就係一串三粒嘅北海道帶子，粒粒飽滿多汁，火炙過嘅位置特別香，一啲都唔韌，推介！明太子意粉好多料，啖啖都食到明太子、蟹籽同蟹棒肉。意粉口感creamy，既帶鮮蕃茄嘅酸，又有茄汁嘅甜，無論大人定小朋友都會喜歡。
[價錢 Price]
💰$158
蒲燒鰻魚意大利丼飯 🍱
另一人氣主菜就係鰻魚意大利丼飯，原條鰻魚灑滿柴魚、配有紅薑片、蛋絲同日本大蔥絲，同一般日式丼飯無太大分別。但其實佢嘅飯底係risotto嚟㗎，所以味道特別香，口感特別滑。Fusion得嚟唔會伏，好啱成日三心兩意，有選擇困難症嘅朋友食。原條鰻魚的確厚肉，塗滿燒汁蒲燒後份外惹味，但食嘅時候要小心細骨呀。
[價錢 Price]
💰$78 (套餐 +$88，可自選飲品及甜品)
薄荷朱古力牛角窩夫 🥐
前排介紹過同屋企人食croffle，朋友睇到post後都表示好想試下，所以今次我就捨棄咗我嘅至愛—tiramisu，揀咗呢個薄荷朱古力Croffle俾佢試下，估唔到超有驚喜！
首先，係佢嘅造型好吸睛，店員捧住拎埋嚟已經吸引到周圍嘅食客眼球，個個都好有興趣我哋叫呢款係咩甜品。其次，就係佢有三大球薄荷朱古力雪糕。我真係好耐無揀呢隻味嘅雪糕嚟食啦，真係令人懷念！墊底嘅Croffle微熱，酥酥脆脆，沾朱古力醬或配雪糕食都一樣咁夾。但最重要同最好食嘅居然係中間嚿蛋糕！本來我以為係普通嘅朱古力蛋糕或brownie，無咩太大期望，點知原來佢係超濃味偏苦嘅朱古力蛋糕，蛋糕面仲要有chocolate ganache，真係正到飛起。勁推介俾愛食濃味朱古力嘅人食！
[價錢 Price]
💰$42
靜岡抹茶豆乳 🍵🥛
飲品方面我揀咗靜岡抹茶豆乳，原本以為只係用咗豆乳嚟沖matcha latte，但實情佢更有層次。上檯嘅時候飲品未被攪勻，所以會有好明顯嘅綠白分隔，呢個時候最適合打卡。飲之前再自己攪拌幾下，會飲到淡淡嘅豆乳味同抹茶粉嘅味道。特別提一提，飲品應該係加咗些少滑豆腐去增加口感，算係一個幾新穎嘅沖調方法。
張貼
