一風堂 (新港中心) (已結業)

幾好食既拉麵拉麵都算係我數一數二最愛，貪佢一個人食又得，一班人食又得，又多配搭。而一風堂呢，因為近公司所以就成日去食。今次就試新野，叫左個橫濱家系豚骨拉麵。一黎到，都幾足料喎，有成隻流心蛋，又有紫菜。而流心蛋就幾入味，唔會過生又唔會過熟。拉麵既靈魂，湯底呢，就幾香濃既豬骨味，唔會太咸。麵質呢，都幾彈牙，不過略嫌太粗，食過口會feel到麵粉多過湯汁。不過整體黎講，呢碗麵係香港黎講好唔錯架啦！不過有個奇怪位，點解會係比茶，我始終覺得比凍水會夾啲！下次再試佢其他麵先！