豐衣足食 (已結業)

今日我哋兩個唔係好想食飯 ，諗緊食咩之際，見到有間新開嘅熱狗店，仲有人排隊叫外賣，咁啱有兩個位，不如食埋先走啦！好，睇下有咩好食先。吞拿魚熱狗，上面係吞拿魚醬汁仲有粟米、洋蔥粒，大大條熱狗腸，個包咬落軟身仲暖暖地。辣肉醬熱狗，肉醬微辣夠惹味，加上芥末，食到醬汁嘅豐富。炸雞、炸墨魚丸、炸薯條係即叫即炸，重點要講個千島醬汁同辣醬係自己調製，味道特別。檸檬茶，檸檬味十足，係用檸檬汁調製，唔會有檸檬皮嘅苦澀味。蜜桃茶，用上新鮮蜜桃粒粒，飲落清新唔太甜。