影片
食家推介
趕時間，在附近找到這間小店醫肚。店鋪很小，店內有兩張高櫈，門外也放了摺檯櫈夠兩人坐。店鋪以輕食為主，有炸雞、沙律、熱狗等，我選了蛋牛牛角包。本以為是咸牛肉，但感覺像是牛肉碎。蛋炒得有點過老，漏出的蛋汁令牛角包濕濕的感覺，口感一般。另加$20可以有薯格和特飲，薯格即炸，夠熱又夠脆，為牛角包挽回點分數。😅店鋪位處後巷，用餐期間聞到煙味，原來有人在店外附近抽煙，連店內都聞到，於是急急吃完就離開。店鋪環境和食物質量都一般，雖然如此，如果趕時間的話，我也會過來幫襯的，因為真的夠方便。
繼續閱讀
元朗隱蔽爆脆牛角包 今日呢間係元朗千色旁邊小巷入面 店面細細只有2個坐位既小店 主打熱狗同牛角包 見到店內有 #綠領行動 推廣環保既活動 #全民絕膠 如果外賣 自備餐盒 餐具 杯 袋 全單減$4 （餐牌睇圖）.⭐️蛋牛牛角包$42👍🏻佢地出品既牛角包 出品熱辣辣👍🏻咬開做到勁鬆化 爆脆 係會食到成地碎果種👍🏻滑蛋半熟 仲有小小蛋汁feel 表面加左少少香草好高質既牛角包 有驚喜.跟餐加佢哋嘅 薯條同汽水 小$15/大$20薯條用左即炸粗薯 仲要幾大份.除此之外 仲有$20 學生熱狗餐 好抵食.#hkfunfoodrecord窮遊香港#hkfunfoodrecord_元朗#hkfunfoodrecord黃店 .#豐衣足食 (元朗) @greeners_action地址：元朗西菁街9號富盛大廈地下91號舖 .⭐️評分：味道：4.5/5 高質牛角包環境：2.5/5 店面細細服務：3.5/5抵食：3.5/5.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #吃貨 #食評 #搵食 #食好西 #相機食先 #香港美食 #元朗美食 #牛角包 #一日一黃店 #熱狗#全民絕膠 #走塑 #買外賣帶盒走餐具 #環保
繼續閱讀
今日同朋友由大埔踩單車到元朗揾食，夜晚食完晚飯仲想搵野食下，就搵到呢間豐衣足食熱狗店，搵食途中睇餐牌見佢有啲特色牛角包，一於就去會一會佢。雖然店鋪唔大，但都提供有幾個位方便大家住坐食。今次我地叫蛋牛牛角包，加套餐要左細薯條同埋可樂，埋單$57。野食新鮮整起，薯條好夠熱同脆，牛角包都唔錯呢。今次我地就冇叫熱狗呢，下次再入元朗就要試下呢。大家如果入開元朗，都可以試下呢間。
繼續閱讀
最近大部份時間都係元朗國因為懶出得遠，呢間係我好中意既牛角包蛋沙律牛角包 $45次次黎都食呢個，佢嘅牛角包好多款式，最緊要佢係即叫即焗，就算放左一陣都仲脆，蛋沙律啲醬多到好好食，好推介。黑松露薯條 $38呢個唔會好似平時嘅黑松露咁重煤氣味，而且唔會好似平時咁膩，幾好食。冷芝士撈冬 $45胡麻醬嘅撈烏冬就成日食，凍嘅烏冬加芝士真係第一次，仲配埋啲煙肉，芝士好多但係冇諗過都係唔會好膩。蟹子沙律 $40我最愛呀，唔多介紹，愛吃的人就會吃。蜜桃茶 +$18你個蜜桃茶唔係平時加糖漿嘅味道，不但唔會好甜，仲會飲到蜜桃，值得加分。粉紅特飲 期間限定嘅粉紅特飲其實就係雜果賓治，但佢真係有粉紅色，平時出面飲嘅多數係得橙色呢間小店是💛的，你懂啦！成日去元朗都幫襯佢，因為佢既牛角包我好中意食呀
繼續閱讀
豐衣足食 (元朗)元朗西菁街9號富盛大廈地下91號舖元朗有很多好嘢食，之前已經吃過一次這間熱狗店，覺得可以翻㦸，途經過來，我特登叫了兩個餐。蒜粒雞粒配粉紅特飲$20這個餐很抵吃，蒜粒雞粒配上一杯大大杯的粉紅特飲！蒜香味深濃，配上嫩滑雞粒。飲品不太甜，適中的甜度，清清涼涼。翠玉瓜蟹籽沙律$40非常大碗的沙律，蟹籽的量很多，翠玉瓜爽甜，配上沙律醬，非常適合夏天使用。雙重芝士熱狗$38叫得做雙重芝士，芝士的份量當然是非常多，鋪滿一整個熱狗上面的蓉蓉芝士，非常吸引。本身熱狗又行底，所以配上芝士吃，特別滋味。熱狗上還有一些菇，挺特別。吞拿魚牛角包$40牛角包脆口，裏面是滿滿的吞拿魚，加上有沙律醬和粟米，完全不油膩。
繼續閱讀