夢工房西日料理 (已結業)

今日收工咁岩出葵芳 就好想食返呢間 因為之前見過隔離枱食火鍋 就一直都好想試下！同埋佢既小食壽司印象中都係唔錯既 就同朋友食啦😋一睇到佢餐牌 就知道好多款揀 佢而家重要有生日優惠 下次又多個理由黎食啦！朋友第一次黎 所以都想試多啲小食 首先叫左刺身 佢既刺身都好新鮮 三文魚夠肥 蝦都比出面既大隻 但依然好鮮甜🤤之後好多小食都黎啦！擺到成枱都係！壽司方面我中意嗌火炙既 佢有啲上面有一大塊芝士 加少少火燒既感覺 香口得黎又夾到成個壽司 另外鰻魚都唔錯 又係燒得好香！點左啲串燒 同埋蕃薯仔 蕃薯仔細細粒好甜 完全唔怕份量會太多芝士焗蠔都係我一定會點既 隻蠔唔會怕乾 再加埋好rich既芝士 一啖食好滿足😋最後重有個鍋物 佢既配料都好多款我地揀左壽喜燒 係出邊shabu shabu 既感覺 最主要既牛既質素又唔差 唔會話好乾 又夠牛味 咁樣比一個價錢就有齊兩款食法 唔錯😋最後用埋甜品做個收尾☺️