農米莊 (豉油街)

營業中

休息中

一碗聲稱連湯底都飲得嘅米線，今日行街經過見到一於試試。湯底方面幾多選擇，如果要飲埋湯底就緊係揀啲健康無咁油膩嘅，所以今次揀咗藥膳湯底米線。除咗湯麵，小食都好多選擇，價錢抵食。藥膳雞湯米線雞嘅份量多，好好彩有雞脾位，配菜有冬菇、豆卜、生菜同蟲草花，十分豐富。而湯底的確好出色，平時食米線都好少會飲湯，因為味精味會好重，飲完好口乾，但藥膳湯就唔會，飲落好清甜，可以放心飲。無骨菠蘿雞翼又滑又多汁，酸酸甜甜好開胃！爆芝松露墨魚餅芝士同黑松露嘅份量好多，墨魚餅爽口彈牙，絕對係性價比高👍🏻