農米莊 (豉油街)

🍗 黑蒜雞湯米線（約HK$59）｜健康濃香黑蒜雞湯米線賣相誘人，湯底呈深褐色，黑蒜香氣撲鼻，湯面漂浮雞肉與蔥花，視覺清新。🖤湯底以黑蒜熬製，無味精，清甜微甜，入口溫潤滋補，雞湯鮮味濃郁，令人回味。😋米線煙韌Q彈，完美吸收湯汁，雞肉嫩滑多汁，份量適中，約3-4塊，惟偶爾稍柴。黑蒜的獨特甜香提升整體層次，適合喜愛養生湯底的食客。惟湯底略稀，建議要求濃湯以增風味。🏙️ 環境與性價比農米莊位於旺角核心，地點便利，港鐵旺角站E2出口步行約6分鐘，適合掃街一族。📍餐廳環境整潔，冷氣充足，惟座位密集，私隱稍欠。營業時間長，方便夜貓。🕒人均約HK$50-100，價格親民，黑蒜雞湯米線以HK$59帶來高質養生體驗，性價比極高。食材新鮮，湯底用心，無味精的健康理念令人讚賞。農米莊以地道粵式米線與舒適環境，為旺角美食地圖添彩，值得一試！🌟…查看更多

旺角農米莊的椰子雞湯米線真係好正！湯底椰香濃郁，清甜不膩，雞肉嫩滑，入口超滿足。米線彈牙，仲有木耳、支竹點綴，口感一流。無味精，飲得放心又健康！店面簡單啲，但味道完全補救，性價比高，絕對值得試！…查看更多

農米莊的米線絕對不錯！麻辣嫩豬紅雞米線香氣好香，麻辣湯底濃郁，微微的辣感刺激味蕾，而豬紅嫩滑細膩，也吸收湯汁後更添風味，雞肉軟嫩與彈牙的米線互相配合。 鍾意食辣嘅傷到唔錯 藥膳雞米線則以清香的藥膳湯底，滋補而溫潤，喝下去感受不到藥膳的味道。雞肉同樣保持鮮嫩， 每一啖都新鮮感覺。整體而言，兩款米線各具特色，無論是喜愛麻辣刺激，還是偏好藥膳的感覺。環境舒適，服務亦恰到好處， 也不會很侷促 ，值得一試的地道米線專門店。😘😘😘…查看更多

最近同朋友去家樂坊磅重，雖然冇做運動，但見到附近有間主打鷄湯米線嘅「農米莊」，就決定試一試，想食返啲清淡啲嘅嘢。我揀咗自由配搭三餸米線，選咗東菇、豬扒同魚片頭，只需 $45，性價比算高。東菇厚身有咬口，魚片頭滑嫩無腥味，而豬扒煎得香口，肉質唔算好嫩但勝在夠味。最驚喜係湯底，鷄湯清香帶甜，唔油膩，飲落舒服又暖胃。朋友就點咗鷄肉米線，佢話鷄肉份量唔少，肉質嫩滑，配合米線一齊食都幾開胃。雖然餐廳裝潢比較簡單，但整體感覺整潔，出餐速度亦快，係一間適合快靚正食午餐嘅小店。…查看更多

📍🇭🇰今次嚟到位於嘅旺角嘅米線餐廳主打養生湯米線，無味精，連湯都可以飲埋！我食過其中兩間分店都覺得好好食😋好值得推薦👍🏼我私心推薦太子分店👉🏼👈🏼 💡環境 米線舖頭嚟講都坐得幾舒服❄️冷氣夠涼爽😆食咁多次都未試過要同其他人搭枱🥹 🥢食物 🥥椰子雞湯米線 ($59) 食過佢幾款米線，最鍾意都係佢！椰子味好香濃，每一啖湯都充滿住椰香好清甜，好好飲❤️！佢哋嘅雞件都算係鮮嫩滑💓好好食，每次都會清曬，連湯都飲埋😝 👩🏻服務 服務態度唔錯👌🏼 ✨推薦分數 : 9.5 / 10 …查看更多

今日去食農米莊養生雞湯米線，暖胃又暖心天氣一凍，總係特別想食啲暖笠笠又滋潤嘅嘢，今日同老婆一齊去咗農米莊，試咗佢哋嘅招牌養生雞湯米線，真係冇令我哋失望！ 我點咗一碗養生雞湯米線，雞湯香濃得嚟唔會太油膩，入口即刻感覺到湯底係用心熬製，雞味十足之餘又帶少少清甜！米線嘅口感啱啱好，唔會太腍亦唔會太硬，配埋湯底一齊食，真係一流！ 至於老婆就揀咗黑蒜雞湯米線，呢碗湯底多咗一陣濃郁嘅黑蒜香味，聞落已經令人食指大動！黑蒜嘅微甜同雞湯嘅鮮味完美結合，飲完真係覺得成個人暖晒，仲有種滋補嘅感覺。老婆食完仲話，下次一定要再試其他口味！ 其實，天氣凍嘅時候，食一碗熱辣辣嘅雞湯米線，唔單止暖胃，仲有種被呵護嘅感覺。農米莊嘅雞湯真係值得一讚，無論係湯底嘅層次感，定係米線嘅質感，都令人感受到佢哋對食材嘅講究同用心。 如果你都想喺呢個天氣凍懶嘅日子，嚟一碗暖心又養生嘅雞湯米線，農米莊真係唔可以錯過！無論係自己食定係同另一半一齊去，都一定會有一個滿足嘅用餐體驗！ #農米莊 #養生雞湯米線 #黑蒜雞湯米線 #天氣凍必食…查看更多

🫶🏻農米莊-黑蒜雞湯米線標籤雞湯冇落味精健康米線之選❤️黑蒜味道濃郁飲落幾香郁雞肉又幾juicy🤓🫶🏻懷舊雞湯米線雞湯幾fresh 有杞子木耳紅棗等材料感覺幾補身🤣🤣雞肉都滑身整體上來講都ok😎…查看更多

🍜 以為清淡但其實好濃郁 @ 農米莊 (旺角) 夜晚去咗旺角，想食啲清淡又健康嘅嘢，所以揀咗農米莊嘅雞湯米線。本來以為會好清淡，但一試就發現完全唔係咁簡單！雞湯湯底好濃郁，雞味十足，飲落暖胃又滿足，完全唔似一般清淡湯底咁寡淡。米線嘅濃度啱啱好，吸晒雞湯嘅精華，每一啖都好滋味。加咗玉子豆腐同生菜，玉子豆腐滑溜帶少少甜味，生菜新鮮爽脆，成碗米線豐富得嚟又健康，真係令人驚喜！ 🌟 農米莊嘅雞湯米線雖然聽落清淡，但其實味道豐富又濃郁，湯底暖胃得嚟唔會太油膩，係夜晚想食得輕盈啲嘅好選擇！如果你都想食啲暖胃又健康嘅嘢，不妨試吓～ …查看更多

專登走去問佢係唔係淨係收現金，個女店員話係，仲要望住我走出去都唔出聲，返到嚟就同我講有支付寶，我撳錢仲要有手續費仲要行，點解見到我咁樣都唔出聲有其他payment？…查看更多

【#思思賢美食推介】必試推介！農米莊$58椰子雞湯米線抵食又好味星期日享受Me time，過海一站式整指甲同做facial扮靚💅💆🏻‍♀️。扮靚前梗係要醫下個肚先啦！😋 今次揀咗去農米莊食佢哋嘅椰子雞湯米線🥥🐔！講真，每次得自己一個食嘢嘅時候，我都一定會揀米線！一嚟方便快捷，二嚟配料豐富，一個人食都唔會覺得悶！今次叫咗個$58嘅椰子雞湯米線，真心好食！😍 湯底奶白色，聞落去已經好香椰子味，飲落啖啖都充滿椰子嘅清甜，同雞湯嘅鮮味完美融合，一啲都唔油膩，而且仲有啲椰絲添香，令成個湯底更加有層次！ 雞件方面，份量都幾多，而且肉質嫩滑，唔會鞋口！👍🏻 配料方面都非常豐富，有冬菇、枝竹、生菜等等，冬菇炆得好入味，枝竹爽口，生菜新鮮，整體配搭均衡，令人好滿足！🤩除咗椰子雞湯，農米莊仲有其他雞湯同埋酸辣、麻辣湯底選擇，啱哂唔同口味嘅朋友！…查看更多

成日叫濃米莊外賣椰子味湯底真係好濃而且食椰子雞湯米線 佢啲雞永遠都比好多舊配料都好豐富 又有雲耳 腐竹 生菜等而且個米線好滑 就算外賣送到嚟都唔會林晒仲保持到口感真係好正再加一個豬軟骨勁滿足食落酸酸甜甜 軟骨又煮得夠淋…查看更多

呢度主打健康無添加，佢哋嘅湯底真係好鮮甜，唔覺有落味精，每次都可以飲晒咁滯，椰子雞好香椰味，米線又唔會煮到過腍，啲餸亦都好足料！而佢哋嘅營業時間都好夜，係宵夜嘅一個好選擇！…查看更多

大家好，今日中午來到旺角出名吃雞湯米線的農米莊，這間主打健康無添加跟可以一口喝完湯底大概12點入座，幾乎是沒有空位，需要跟別人拼座，我叫了一個藥膳雞湯米線加腩肉，喝凍奶茶因為是繁忙時間，大概十分鐘才上菜，第一口當然是喝湯，淡淡藥材的香味不會太重清清的，湯面上有紅棗、蟲草花、枸杞等藥材，嘗了一下雞塊，是偏淡的吃出雞肉香味的，米線細儒可口，值得一提額外加的腩肉十分出色，是咸香的粗切腩肉片；飲品方面也是偏奶多的甜味重，普通港式奶茶總體而言這間餐廳是一個既健康又好吃的選擇，價錢也不是很貴，中間水平，值得一試…查看更多

因為屋企人都幾鍾意食藥膳米線，所以成日都會試唔同餐廳，睇吓邊間嘅藥膳米線好食。今日同屋企人行開呢頭，就試吓呢間睇好唔好食。叫咗藥膳雞湯米線，配嘅雞件都算幾多，有齊雞髀同雞胸位，所以都啖啖肉，唔會淨係食雞骨骨。但係啲雞偏嚡，同埋冇乜雞味，主要都係食到藥膳湯底嘅味道。湯底就正常發揮，唔會覺得味精太重。米線就煮得偏腍，唔夠爽彈，我就唔係咁鍾意。近期食到嘅養生米線都麻麻哋，一係就湯底唔得，一係就雞件唔得。…查看更多

今次想介紹暫時喺香港搵到最出色嘅椰子雞湯米線作為椰子雞湯 係應該要有椰子嘅甜味 如果唔係只會係好普通嘅雞湯農米莊嘅椰子雞湯係冇味精 有好香嘅椰子甜味 飲哂湯係冇難度每次食我都可以飲哂啲湯至於米線嘅話我覺得唔同分店食會有質素嘅分別 有時會煮得太唸 但今次嘅米線煮得啱啱好仲有啲咬口 所以相信唔同分店都會有參差雞肉都俾到5-6舊 肉質都幾唸 不過多數都係骨多過肉 所以咬幾啖就好快食完啲肉overall呢間嘅椰子雞湯米線真係做得好出色 之前下午茶時間去仲要得40幾蚊 超抵食超級推薦!!抵食：🌟🌟🌟🌟🌟回頭率：🌟🌟🌟🌟🌟環境: 🌟🌟🌟🌟🌟…查看更多