元札幌拉麵 (悅來坊)

營業中

休息中

同朋友到仁濟醫院探望剛榮升媽咪嘅老友同可愛B後，倆個人係悅來坊地庫元札幌拉麵醫肚。店内外有座位提供，地方雖然細細，但燈光和諧舒適，加上那人見人愛嘅多拉A夢，頗有日本感覺。店鋪除左拉麵外，仲提供飯類及小食等。我同朋友點左一個咖哩飯同一碗拉麵sharing.咖哩飯配沙律、味噌湯同茶碗蒸沙律菜新鮮爽脆，粟米粒飽滿鮮甜，混合微酸沙津醬汁，醒胃！茶碗蒸蛋味香濃，口感嫩滑。味噌豆腐昆布湯，味道吾會太咸同有腥味，豆腐幼滑，昆布口感柔軟。咖哩味香濃郁，甜中帶點微辣，除左馬鈴薯粉綿外，仲有種爽脆嘅口感，吾肯定係咪紅蘿卜，配搭上煙韌嘅白飯，好味！豚軟骨拉麵，湯頭濃厚而不膩口，拉麵Q彈，除左豚軟骨肉質入味軟稔外，仲有粟米粒、昆布、芽菜同半熟溏心蛋等多種配料，令拉麵添加和風色彩。簡簡單單，一咖哩飯同一豚軟骨拉麵，有水準。而且服務員親切有禮，值得再光顧。