番本日式放題 (已結業)

午餐諗唔到食咩就揀左去食放題，多選擇唔洗愁食乜。去左呢間放題，超近地鐵站，一出站就見到，地點方便，又唔洗等位。食物有刺身、壽司、天婦羅、燒物、炸物，仲有多款料理、前菜小食、湯、飲品、甜品等等，選擇非常多。見佢仲有「加$10元無限任食生蠔」可惜只係晚市供應。除左雪櫃的飲品，仲有酒類可以點，食日本野自然想配番啲日本酒，點左梅酒過癮一下。湯類點左個人參雞湯味道都唔錯。刺身方面應有的款式都有。燒物、炸物、天婦羅，款式多，樣樣都點啲，滿足多種食慾。食到濟濟地，點左蟹子沙律同帶子裙邊，清清地，中和返飽濟感。前菜牛油炒帶子、炒雜菇同墨魚嘴。意外的好食，牛油味好香。