霜瀛 (已搬遷) 新店位置

好開心男朋友book左呢間霜瀛😍 話想一齊食豪啲。今餐真係好高質想介紹下😝🇯🇵前菜方面有呢啲：梅酒啫喱蕃茄、水母刺身、北海道白粟米、甜黑豆。其實齋睇擺盤已經覺得好吸引好精緻。然後每一樣嘢都好好味。而當中北海道白粟米好特別，因為味道真係好鮮嫩，比一般粟米仲更加甜添。🇯🇵仙鳳趾生蠔係我幾鍾意嘅菜式。佢真係好大隻，食落去啖啖肉夠曬creamy又唔會好腥好漏。加埋酸汁啫喱，蔥及菊花，作為中和就啱曬啦。🇯🇵另外都幾鍾意煙燻鰹魚。佢有淡淡嘅蘋果木香，無論嗅覺上定味覺上都feel到。色澤十分鮮紅sharp醒, 食落新鮮清爽，脂肪不多，連同蔥碎同薑蓉，點亮整個味道。🇯🇵自家製鯛魚湯真係有淡淡魚肉，肉質堅實有彈性，少細骨最啱做湯。成個湯感覺到魚係經過長時間嘅淆製，濃郁鮮香。今次真係食得好開心，想間中食得高質啲呢間唔錯。