椰林閣餐廳 (葵涌商場)

營業中

休息中

接完朋友收工一齊去食野，葵涌大家都唔熟，見到椰林閣就上左去，諗住伏極有限。環境尚算ok, 都算光猛同闊落，我同朋友坐左係卡位。我叫左碗上湯海南雞米線，已經係play safe 既選擇......結果....碗野好耐先上，食頭一啖覺得米線好煙韌，上湯又好有味，唔係淡茂茂，本身想比好評。但之後再食發現米線根本未熟！！平均食幾條就有條係硬既。海南雞唔滑，又好鹹，好似鹽焗雞咁。海南雞凍係無問題，但呢碗野啲雞忽冷忽熱，食落口感覺好差。 講真， 唔會再食椰林閣，食親都伏。