椰林閣餐廳 (葵涌商場)

營業中

休息中

3點3，二人點咗二份下午茶餐特色洋蔥豬扒包配沙律豬包好juice ，唔乾，炸得剛剛好👍沙律份量足！美式珍寶熱狗皇配沙律珍寶腸加上鲜蕃茄，口感滿滿！沙律份量一樣足👍熱奶茶熱檸水下午茶餐真係抵食又飽肚！

葵涌邨咁多食肆，我只幫襯椰林閣，因為夠平，又好食。每個菜都係$58，份量係細小小，不過白飯夠大碗，一定夠飽。味道而且好食。但可能因位置問題，多數街坊都係忽略左佢，直接去大家X 。而且座位夠闊，坐得好 舒服睇相就知啦！

預祝各位新一年身壯力健，財源滾滾來今日虎年最後一天，女兒指定嚟呢度食早餐，$35一個沙牛面，煎熟蛋，加杯熱飲，價錢合理，坐得舒服，職員落單快，出餐快！食物夠熱，味道正常。晚餐都幾好食，夠晒大份。外賣晚餐仲抵$40有交易。所以外賣都幾受街坊歡迎學生仲有優惠。預祝各位新一年身壯力健，財源滾滾來

今日黎到葵涌 竟然俾我見好多年前無食過既椰林閣 記得以前椰林閣都係做西餐 今日係門口見到有中式小菜食 就好好奇咁入咗去試下啲小菜 入到去有好多款小菜 我就嗌咗個比較簡單既煎蛋角 一試就試出驚喜 蛋角比想像中足料 鑊氣又夠 唔係太咸太淡 拎黎送飯真係啱啱好 好開胃 本身跟一碗飯一個湯 後尾我仲加多左碗飯 食得好滿足😋 仲有不得不提個羅宋湯係飲過咁多地方最好飲既羅宋湯黎 好足料好好味下次黎到再食過😋

心情愉悅地去食個早餐，入到去舉餐牌落單 d阿姐睇到人舉牌個個對眼即睇第2度，有幾個人舉牌都扮睇吾到，好野! 用平常聲線叫落單都聽吾到，要超大聲叫落單大聲到全場都聽到，咁先過來落幾台客，坐底落完單眼見枱底、地下勁多小強四圍走，頂吾順轉枱後另一枱底的地下也有數隻小強走出走入，諗住快快脆脆食完早餐走人，點知個早餐d炒蛋有毛，火能到叫阿姐過來睇，佢話轉過d炒蛋，其實轉過咪又系果d冇衛生常識的廚房佬炒，個早餐食左d先見到，坐底見小強都算了，個早餐仲要系咁吾衛生，去到比$同個收銀阿姐講，個收銀阿姐完全否認是佢地問題，仲要話我們每星期都會清潔，個餐有問題要同我們講，同呢d垃圾講野冇能用，呢間公司請埋d咁差既人做野，難怪折完1間又1間la, 有心做生意就吾好請埋呢d咁既人起度浪費位置，浪費食客時間! 個茶水阿叔成日掛住吹水又吾能做野，樓面崔佢出野飲，仲要大大聲罵回樓面，結果2個罵戰，大家樂請d人都巳經叫差，呢間公司真系比大家樂仲要差，廚房、樓面、水吧都完全吾願做野，個個起度等運到咁。。。

椰林閣愈做愈霉 分店愈開愈少 好多年都冇再幫襯過 估唔到會因為外賣APP見返佢 仲比我遇到個隱世高手 印象中佢係出名食扒同咖哩 估唔到宜家咁多元化 多左好多中式炒粉麵飯同潮式牛腩麵都有 叫左個福建炒飯 似模似樣 蛋炒飯底夠鑊氣夠乾爽 配料方面除左翠玉瓜冬菇瑤柱之外 竟然有魷魚粒 蜆肉同彷鮑片 非常豐富 仲好食過好多茶餐廳

一餐廳唔多人，疫情下一路都係呢度食，覺得佢防疫隔板設施都做得足。食物無話特別好食，但服務真心差，今日個早餐明明係配多士，落單果陣無話我知無多士，早餐到左變左餐包，再問職員佢就hea我話無晒，轉頭就問廚房多士得未，即係有多士啦，分明就係懶得換。

今日唔想係屋企煮飯， 所以去咗餐廳叫外賣， 今晚我叫咗煎蛋洋蔥豬扒大碗飯， 一打開個外賣盒，賣相上還可以， 豬扒好大塊， 洋蔥汁加上秘製嘅醬汁令胃口大開， 飯量亦十分充足， 完全符合大碗飯 呢個 名稱， 而且外賣個價錢好抵， 只係 用38蚊就可以食到個飯!

係葵涌附近做野,上網揀左呢間餐廳,見餐牌各樣都ok,點知中伏!!平時幾鍾意食薯條,叫左個午餐雞扒薯條,上來見賣相唔錯,一食d薯條係涷既雞扒還好d,比薯條好小小,都唔知係攤左係度幾耐得碗湯好d,係熱的,已經唔期望野食既質素了,係熱的已經好好最後食淨好多,真係好失望!!唔會有下次

洋蔥雜菌燒西冷配薯菜$61西冷牛扒都幾大塊，不過煎得略為熟，切開中間尚有點粉紅，但都唔算韌，薯菜都唔差。馬來咖喱牛筋腩飯$58咖哩好香帶少少辣，牛筋夠腍，方形牛肉要咬好耐比較黐牙，白飯比較乾硬，唔合我胃口。每款午餐均送一款湯、牛油餐包及餐飲

講到碟頭飯， 咖喱牛腩飯 是·不少人心目中的Comfort food，簡簡單單一碟，已令人吃得愜意和飽足。標榜正宗馬來西亞風味，散叫是最貴價的一間，但侍應姐姐話下午茶餐其實份量差不多，但價錢平一大截，包熱飲只需$39，如非必定正餐時間用膳，不妨等到Tea time 先幫襯。

放假約咗入葵涌去探好朋友嘅bb，佢同我落樓食lunch順便去買bb嘢✌🏻佢話食開椰林閣貪佢有卡位坐可以放bb喺sofa凳上面☺️我哋叫咗兩個午餐，黑椒汁燒西冷牛扒($57)同蝦肉雜腸鮮茄西炒飯($53)，有湯同餐包送仲包熱飲(凍飲+$3)！價錢唔算貴但食物質素好差，牛扒勁韌又無肉味，意粉太淋一夾就散🤦🏻‍炒飯啲配料勁少，睇落去仲要炒得唔均勻，有啲仲係白飯咁😂如果下次再入葵涌，一定會揀第二間餐廳😎

我喜歡來這間餐廳的原因是因為他的食物送達時間很快 完全適合上班一族及香港比較忙碌的人士 而且食物味道不錯我比較喜歡他午餐的菜單很喜歡他的凍檸茶 服務員態度也不錯而且餐廳位置很大不會有等太久的

今晚屋企無煮飯，所以落咗樓下食椰林閣，叫咗個三文魚併燒春雞，三文魚同燒春雞嘅皮煎同焗得夠哂香脆，配上蒜茸汁十分惹味而薯條都夠熱夠脆，不過侍應唔記得比餐包，見食到好飽就算數啦以80蚊呢個價錢嚟講算喺唔錯，有湯有嘢飲，同埋唔喺間間餐廳都有三文魚食，值得一讚

琴日情人節， 我哋五個人就一齊入去食情人節午餐葵涌廣場，椰林閣 ，唔同其他地區嘅裝修， 比較街方化🙄我哋叫咗黑椒牛柳午餐 番薯菜， 同埋 車打芝士魚柳 配薯菜另外有餐包同埋羅宋湯 黑椒牛柳午餐， 份量多到嚇死人， 薯條淋bad bad， 啲汁有多到 遮住塊牛柳， 好大梳打粉味。車打芝士魚柳配薯菜， 完全冇芝士味， 魚柳唔夠新鮮 林bet bet冇脆口， 薯條好 似冇咋喎咁 ，凍冰冰好難食 羅宋湯 一啲都唔熱， 麵包乾爭爭。😟 總括嚟講價錢同食物唔成正比， 覺得好貴 。