影片
更多
2017-12-02
891 瀏覽
呢晚大帝要開夜唔返黎食，所以得返我同女皇兩個人，咁我就放工出去搵去血拼完既女皇食晚餐啦女皇話想滷水鵝，抬頭一望就見到呢間上樓既潮汕菜館，上到去都仲未爆場唔洗等位，所以我地就入去坐低，準備呢晚喺度開餐雖然得我同女皇兩個唔食得多，但都無理由淨係食滷水鵝既，加上呢度都有唔少其他菜色，點都要嗌多一兩款黎食下既首先黎既係女皇嗰晚心血來潮話要食既“滷水鵝”HKd$128+10%滿滿既一碟，都有成四份一隻鵝~份量一啲都唔算少肥嫩入味既鵝肉下面仲有盡吸滷水精華既滷豆腐，食得女皇好滿足另外我地仲要左兩隻“蘇格蘭蟶子皇HKd$42(一隻)HKd42+10%佢地有三種煮法可以揀，我地就要左蒜蓉紛絲蒸蟶子皇大大隻夠新鮮，蒸煮熟度岩岩好，加埋蒜蓉紛絲咁食的確惹味但當中情洗得唔夠徹底，我同女皇都食到有沙，呢方面就要扣啲分啦除此之外，我地仲嗌左個“爆炒醬啫秋葵”HKd$76+10%用砂煲呈上既秋葵食到尾都係熱辣辣架啲秋葵炒得勁有鑊氣，秋葵翠嫩，混合左爆炒過既蝦米同肉碎一齊食，香口又惹味呢個情况就當然要叫返個“靚仔(白飯)”HKd$12+10%黎餸下啦可惜女皇當晚有啲作感冒唔飲得啤酒所以我就飲左酸甜解膩既“天地一號(
女皇話想滷水鵝，抬頭一望就見到呢間上樓既潮汕菜館，上到去都仲未爆場唔洗等位，所以我地就入去坐低，準備呢晚喺度開餐
雖然得我同女皇兩個唔食得多，但都無理由淨係食滷水鵝既，加上呢度都有唔少其他菜色，點都要嗌多一兩款黎食下既
首先黎既係女皇嗰晚心血來潮話要食既“滷水鵝”HKd$128+10%
滿滿既一碟，都有成四份一隻鵝~份量一啲都唔算少
肥嫩入味既鵝肉下面仲有盡吸滷水精華既滷豆腐，食得女皇好滿足
另外我地仲要左兩隻“蘇格蘭蟶子皇HKd$42(一隻)HKd42+10%
佢地有三種煮法可以揀，我地就要左蒜蓉紛絲蒸
蟶子皇大大隻夠新鮮，蒸煮熟度岩岩好，加埋蒜蓉紛絲咁食的確惹味
但當中情洗得唔夠徹底，我同女皇都食到有沙，呢方面就要扣啲分啦
除此之外，我地仲嗌左個“爆炒醬啫秋葵”HKd$76+10%
用砂煲呈上既秋葵食到尾都係熱辣辣架
啲秋葵炒得勁有鑊氣，秋葵翠嫩，混合左爆炒過既蝦米同肉碎一齊食，香口又惹味
呢個情况就當然要叫返個“靚仔(白飯)”HKd$12+10%黎餸下啦
可惜女皇當晚有啲作感冒唔飲得啤酒
所以我就飲左酸甜解膩既“天地一號(蘋果醋)”HKd$18+10%
而女皇就飲左冰凍夠氣既汽水HKd$+10%
我地兩個人嗌左三樣菜加個白飯同飲品，全部食清光，真係飽到呢
不過又真係食得暢快又滿足既
張貼
