影片
更多
2021-10-18
19 瀏覽
今日嚟中環呢邊諗住周圍行吓去大館影吓相，朋友介紹之下話有間新開嘅餐廳唔錯，d burger幾好食，所以今晚就黎試吓。首先環境都幾美式，橙橙紅紅，仲有個開放式嘅酒吧，啱晒一種喜歡飲酒嘅朋友，而且座位數量都幾多可以一班人坐埋一齊。首先我同朋友二人嗌咗Tasting Menu $178/person，可以揀四個口味嘅迷你漢堡，兩款小食同埋一個頭盤，感覺都應該幾夠飽。漢堡包方面，我哋揀咗Triple B, South East, Nash, Miso Sakana 呢四款都係店員推介，豬牛雞魚都有齊，雖然係迷你漢堡，但我哋兩個都覺得咁樣幾好，可以試多啲唔同嘅口味，而呢四款都好有水準，淨係個包已經好食過出面大部份嘅漢堡，好軟熟，一啲都唔dry同埋重空氣感，中間嘅配料又好豐富，不過黃牛就有少少生，唔識得太生嘅話可能要叫佢烤熟少少，不過配埋紅菜頭，口感好好，食落去更加juicy！至於雞肉方面好夠辣，魚又好滑好香，真係好好味。另外兩款小食係Rosemary Fries & Homemade PomPorns，薯條正正常常冇乜特別，而另一款就係自家製嘅炸薯波，好似食緊圓形嘅薯餅，但係佢多咗香草係入面，所
首先環境都幾美式，橙橙紅紅，仲有個開放式嘅酒吧，啱晒一種喜歡飲酒嘅朋友，而且座位數量都幾多可以一班人坐埋一齊。
首先我同朋友二人嗌咗Tasting Menu $178/person，可以揀四個口味嘅迷你漢堡，兩款小食同埋一個頭盤，感覺都應該幾夠飽。
漢堡包方面，我哋揀咗Triple B, South East, Nash, Miso Sakana 呢四款都係店員推介，豬牛雞魚都有齊，雖然係迷你漢堡，但我哋兩個都覺得咁樣幾好，可以試多啲唔同嘅口味，而呢四款都好有水準，淨係個包已經好食過出面大部份嘅漢堡，好軟熟，一啲都唔dry同埋重空氣感，中間嘅配料又好豐富，不過黃牛就有少少生，唔識得太生嘅話可能要叫佢烤熟少少，不過配埋紅菜頭，口感好好，食落去更加juicy！至於雞肉方面好夠辣，魚又好滑好香，真係好好味。
另外兩款小食係Rosemary Fries & Homemade PomPorns，薯條正正常常冇乜特別，而另一款就係自家製嘅炸薯波，好似食緊圓形嘅薯餅，但係佢多咗香草係入面，所以更加好食😋
飲品方面我哋嗌左一杯Hong Kong Toast奶昔，勁濃香嘅花生味，鍾意花生嘅朋友一定好鍾意，但就有少少偏甜，整體都值得一試。
總括嚟講，呢度嘅食物幾特別，漢堡好出色，可以再來。
張貼
