小桃咖啡室 (已結業)

小桃咖啡室有時係銅鑼灣人逼人，搵地方食飯真係幾煩都。想搵個有氣氛靜靜地食飯傾計嘅地方，都咪話唔難！男朋友就帶咗我去小桃咖啡室，一上到去就有驚喜了！咖啡室細細地，但佈置好用心，一入門口就已經比露天吧枱吸引住！大大嘅水晶燈，令到成個環境好華麗同舒服。可惜露枱位已經比人坐咗，好想坐呀！店入面有好多嘅game可以玩，仲有漫畫睇。我覺得幾適合幾個朋友嚟聚會，又有免費wifi用。煙肉鋪天薯條好邪惡嘅薯條呀！焗薯條上面鋪滿咗拉絲芝士，煙肉。另外配咗三種唔同嘅醬可以點，有酸忌廉，茄汁同bbq醬。薯條係粗切嘅，薯味好濃，而且焗得好淋。芝士濃郁，每一啖都拉哂絲。加上煙肉脆脆地，好惹味！三種醬我最中意酸忌廉，酸酸地令到薯條無咁濟，中和咗油膩感。卡邦尼白菌煙肉意粉意粉份量幾多，係屬於醬汁杰啲嘅個種。喂食妹比較中意醬汁杰啲嘅意粉，味道會濃郁啲。意粉係帶小小硬，口感較佳。整體感覺唔錯。串燒三串呢個係加錢優惠，要咗雞嘅串燒。雞肉嫩滑，燒到表面有小小脆，味道帶啲咸香，可以一試。小桃是日特飲最深刻就係呢杯飲品，因為係隨機嘅口味！本身以為係由鋪頭決定，但原來係自己揀顏色嘅！我就揀咗紫色同埋有氣。飲品個樣好吸引！其實味道係