築地番本日式放題 (已結業)

今天放工和同事行左去女人街，睇下有冇平野執，行下行下差不多8點半了，又是晚餐時間了，到左西洋菜街見到有一座大廈名叫威達商業大廈Deli 2，大堂內有多間食店的招牌，其中一樓B是築地番本日式放題，個名改得吾錯、番本=返本,好！一於去食、睇下你番本，定係我返本？餐廳地方都很整潔，但2人枱真的比較細，最好約多些人，佢地有一間房，人多可以book 房、自成一角，舒適非常👍👍👏附送蒸氣火鍋，1一2人個爐和煲都細細個，3人以上會大好多。材料有海鮮、肉類和蔬菜。點菜紙上已經寫了每種食物需要蒸的時間，材料都好新鮮，而且也是任食👍新鮮刺身：三文魚厚切又肥美，原隻甜蝦刺身好鮮甜，冰山貝爽口，還有其他刺身也很新鮮，食多幾轉，我們真的已返本😋火炙海膽赤蝦壽司：赤蝦上有海膽，好鮮甜。火炙皇金三文魚壽司：三文魚面層輕輕燒過，肉質仍然帶生，所以有爽口感覺，加上少許京蔥，非常美味👍太子醬焗帆立貝：金黃色的面層蓋住新鮮的帆立貝，味道鮮甜！黃金焗蠔：沙律醬酸酸甜甜，焗完的蠔雖然縮細左，配合醬汁仍然好好味😋日式鮑螺蟹粥：用料十足，粥很鮮甜！3.6奶凍：甜品有好多款，我喜歡3.6奶凍，滑滑的不會很甜！