Pancake House HoiHoi (Megabox) (已結業)

喺MegaBox睇完戲之後，同朋友去食個Tea, 行到去5樓嗰時見到呢間pancake店幾吸引，記得上次去日本嗰陣都有食過依間，真係好掛住日本🥰今次同朋友叫咗熔岩Oreo梳乎厘pancake ，夏威夷班戟漢堡配牛油果蝦同蜜糖芥未，仲叫咗兩杯嘢飲-草莓沙冰同埋牛奶抹茶，咁樣叫仲可以試到兩種唔同嘅pancake😌 梳乎厘班戟同夏威夷班戟夏威夷班戟漢堡配牛油果蝦同蜜糖芥未，第一次食鹹嘅pancake，感覺都唔錯，夏威夷班戟口感都一流，唔會有一種實啲啲嘅感覺，好鬆軟，配埋牛油果+蝦+蕃茄+生菜，有一種好fresh 嘅感覺,而且食完都唔會太飽，仲有啲薯條陪襯😊小編重點推介就係熔岩Oreo梳乎厘pancake，真係好似喺日本食緊pancake 咁😌，真係好梳乎🤣好輕身，完全同啲cream融為一體😍😍😍，呢種感覺真係好耐都冇試過😝，大量嘅cream上面仲有啲Oreo添+梳乎厘pancake，so yummy 👍🏻草莓沙冰外貌好吸晴，而且唔會太甜，有得揀少甜添，另外，牛奶抹茶，上面有一個好靚嘅拉花，而且抹茶味都好濃郁😌整體感覺，今次嘅用餐體驗都唔錯，而且好又返咗日本嘅感覺，梳乎厘pancake真係好好