Pier 1929

環境方面，樓頂好高，落地大玻璃，270度海景，裝修好特別，木台之間又闊，員工又唔會將全部人推埋一邊，坐得好舒服。

野食，慢煮乳豬好滑好juicy啊，皮又脆，肥死啦，但食哂，銀雪魚西京燒甜甜地又好滑，2款都好滿意。而甜品就係，暖既綠茶味流心既餡餅，加埋vanilla 雪糕，唔太甜，一熱一凍味道配合得好唔錯！

最重要既就係，餐廳員工好好人啊，幫我地就哂角度影相，又好有笑容，野食又介紹得好詳細，仲成日會遠望我地有無野要，服務無得頂，宜家真係難搵。平時唔多寫食評，今次真係覺得呢間餐廳值得推介！