豚道樂 (大河道) (已結業)

話說早排見荃灣有新拉面開張就去試吓。夜晚6點幾7點去到都排左20分鐘。入到去店面裝修係靚呀，d 員工仲著住自家t 恤。 跟住我叫左碗加大既芥辣湯曲面，女朋友叫左豬骨湯。面嚟到，連個碗都好靚。我試左女朋友個湯，不過不失。然後食返我個芥辣湯，第一啖覺得好正，有芥辣味又唔會嗆鼻，果刻覺得依碗野都幾有心機，平衡到辣味。 食多兩啖發覺唔對路，有陣怪味，原來加左芝士。我本身都好中意食芝士，但唔係咩都夾到架師傅，個芥辣湯加埋d 芝士真係好難食，就好似果隻臭芝士杯麵咁，成口都係果陣味。唯一可以讚既係佢d 肉係好好食，有灸燒過。 依間野，面門靚，份量少，味道一般,芥辣湯加芝士極難食。雖然台風係差左，但都好過依間好多。