蘭英印尼小食 (已結業)

住係九龍城或者係附近讀書嘅一定唔會無聽過蘭英呢間嘢食掛！佢哋嘅印尼串燒係即叫即燒，選擇好多，我今次就揀咗豬頸肉同花枝丸。我係當正餐咁食，所以就當然跟埋佢個黃飯！佢最住啲色嘅唔係佢嘅飯或者串燒，而係佢嘅沙嗲醬！佢嘅花生味好重，加埋串燒真係冇得頂。總括嚟講，佢個飯真係好正宗。佢得幾個位坐低食，所以我拎咗去附近嘅公園食，係別有一番風味嘅。但記住！佢有分大辣同小辣，除非你真係好食得辣先好點。我朋友以為自己頂得順嗌咗大辣，結果飲咗幾支水！