蘭英印尼小食 (已結業)

以前成日來九龍城，都唔知有呢間野網上見到佢11月8號就結業，一定要來試下丫頭3次來都因為太多人，唔想等，所以放棄左（第三次係11:10到，已經排到轉彎）所以今日決定再早啲到，諗住10:15到，但遲左，10:30先到，好在仲未轉彎。今日最後機會，點都要排。排到12:20我就買到喇。排隊期間，聽到今日最早嗰個係9點就開始排主要係男的店主負責燒野，女的就負責裝飯，落醬同pack野。雞脾黃飯($45), 花枝丸($16), 火雞腎($14)淨雞脾都要($40),多5蚊就有一大盒黃薑飯，超抵仲送紙包飲品一盒。講真，唔係好似大家吹捧到咁好食的，只係不過不失。我諗係因為係附近的人的回憶，所以有少少over rate。今日應該仲早就截龍。聽講琴日係點半，今日到我或我之前都已經截左佢最出名的，應該係佢啲沙嗲醬。有客問有無得賣，老闆娘話無。11月7號只招待學生（最後衝刺的人請注意⚠️）雞脾燒得好嫩，雞腎同花枝丸正常。黃薑飯食到少少薑黃味飯面仲放左少少炸蒜片。我等緊拎飯的時候，有個女仔話係長洲出來，但老闆娘都同佢講唔好意思，因為已經截左龍喇。My mission completed

沙嗲豬頸肉花枝丸黃飯❤ $40九龍城呢間沙嗲串燒bookmark左好耐了 米芝蓮都有推介過! 聽講店主兩夫妻做到11月8日退休光榮結業 當然要黎朝下聖! 果日平日(前兩個禮拜)一兩點有十幾人排 都等左成9個字😳 見到店主老夫老妻燒串燒都燒到咁恩愛 快要閃盲單身狗了🙈沙嗲醬真心正! 香噴噴超濃郁 充滿花生香 加埋少少炸紅蔥碎撈個薑黃飯好惹味😍 不過d醬實在太少 好矜貴🥺 佢個小辣對於最盡食到譚仔3小既小編真係完全冇料到🤷🏿‍♂️ 豬頸肉微微焦脆彈牙juicy 花枝丸好濃味有咬口😋 由於佢太細個爐 好多野都燒唔切 包括好想試埋既雞髀 火雞腎等等🙁堂食得後巷幾個企位企得好逼 (對面商場有齊m記大家樂starbucks...🤪)

從來都冇聽過呢間小店嘅名字，咁岩上網見到話11月結束營業。上網search，發現好多人都話：係全香港最好食嘅沙嗲醬所以一於嚟試吓啦！小店嘅位置喺正九龍城商場對面都容易搵，當日係閒日下午兩點，一去到就見到長長嘅人龍。所有串燒都係老闆同老闆娘兩個人整，即叫即燒嘅關係，所以都要預啲時間等，但係為咗食嘢係唔介意等嘅，最後等左大約90分鐘。前面嘅朋友一個人order左大約$500嘅串燒去到我嘅時候，已經無牛肉同埋豬肉串燒最後嗌左串燒黃飯($40)，個飯本身跟兩串串燒(我揀左雞腎，花枝丸)，再加一包紙品飲品。另外要雞肉($14)，豬頸肉($14)各一串。即叫即燒，全部都熱辣辣一嚟梗係即刻試吓個沙嗲醬，我要左小辣，但其實都係微辣，沙嗲醬好濃，好好味，我本身唔鍾意食花生都覺得個醬好好味。串燒方面：花枝丸就正正常常，雞肉同豬頸肉都好嫩好juicy，雞腎我冇食到所以唔知。薑黃飯：小店係用家用電飯煲煲飯，每次只可以煲好少飯，但係店主一盒飯會比勁多。所以keep住等飯都要等好耐，咁啱去到我係有飯唔使等。好有心思，老闆雖然好忙，但舀完啲飯，會係上面放啲類似炸蒜片嘅toppings。如果返本身係有薑黃嘅香味食落都

呢間串燒店一向好好生意，成日好早就賣晒啲串燒，聽聞就快光榮結業，當然要嚟回味下。一串花枝丸、一串豬頸肉，加上秘製嘅沙嗲汁，可謂係驚世美食。花枝丸鮮味爽口彈牙，喺第二度食唔到。

即叫即燒 豬頸肉又爽又juicy花枝丸勁彈牙仲有粒粒墨魚肉係入面😍不過重點始終落係個沙爹醬超濃辣度剛好的惹味又唔會過嗆勁重花生香 亦唔會有怪甜味係我食過最正的沙爹醬🤩🤩🤩

唔好睇呢間串燒店店仔細細，好似無咩賣咁，佢營業時間唔太長，每次行過都係勁排長龍架，佢地既烤肉好香口，味道夠香濃，但食開清淡既朋友仔可以會覺得咸左少少，最穩陣都係串燒牛肉，想食原味就唔好要沙爹醬la，但揀得食串燒沙爹又真係無理由走左個醬，去排隊買串燒前，記得係附近既飲品店或者7仔買定凍飲，怕佢個沙爹醬會太辣既，記得要買甜飲，需要時可以即時解辣。佢地既串燒牛肉烤得好香口但唔會烤到d肉死實實，最正就係個沙爹醬真係spicy到每次路過都想再試架😋

呢間位於九龍城既印尼串燒店 已開業十幾年 由一對印尼華僑夫婦打理 一直受唔少街坊同學生愛戴😚小編bookmark左好耐 前排終於有機會幫襯啦🎉🎉🎉 果然真係超正‼️‼️_串燒黃飯 $38 🍢今次黎到 試左串燒飯 38蚊包兩條串燒同一盒紙包飲品～ 小編揀左雞肉同花枝丸 另外再加多$13 要多條火雞腎😋一食就即刻明白點解咁多人鍾意！👉🏼雞肉串真係啖啖肉 而且肉嫩多汁 絕對唔會燒得乾爭爭👉🏼火雞腎爽脆入味👉🏼花枝丸雖然粉左啲唔係特別彈牙 但味道好香！重！點！係！個沙爹醬真係世界級好食啊！🤩🤩🤩💓💓💓 花生味道好香濃但唔霸道 絕對唔會話一味被花生味主導 冚晒串燒本身既味道👍🏼 成個醬鹹鹹甜甜 帶點微辣 (小編因為聽聞呢度既大辣真係好辣 所以第一次黎淨係敢叫小辣😝) 口感濃稠 帶花生顆粒沙沙既口感 調製得啱啱好！👍🏼 係喺香港食過最正既沙爹醬無誤！🤤🤤🤤而底下既黃薑飯都唔錯！味道比較清香 唔會好濃 同埋份量真係勁慷慨 撈埋啲沙爹醬食簡直一流！😻_呢度既串燒真係一試愛上啊！老闆同老闆娘仲超好人！怪唔得咁多人幫襯！只不過老闆們因為年紀大 所以做埋今年就唔做啦😭 大家要試就趁早啦！小編都希望可以係佢地結業

住係九龍城或者係附近讀書嘅一定唔會無聽過蘭英呢間嘢食掛！佢哋嘅印尼串燒係即叫即燒，選擇好多，我今次就揀咗豬頸肉同花枝丸。我係當正餐咁食，所以就當然跟埋佢個黃飯！佢最住啲色嘅唔係佢嘅飯或者串燒，而係佢嘅沙嗲醬！佢嘅花生味好重，加埋串燒真係冇得頂。總括嚟講，佢個飯真係好正宗。佢得幾個位坐低食，所以我拎咗去附近嘅公園食，係別有一番風味嘅。但記住！佢有分大辣同小辣，除非你真係好食得辣先好點。我朋友以為自己頂得順嗌咗大辣，結果飲咗幾支水！

喺一間唔大嘅小食店，喺上網推介嘅，跟住Ｇｏｏｇｌｅ ｍａｐ過去之後啱好有一個位坐。點咗幾串豬肉同埋雞肉，兩串腸仔，兩串黑椒牛丸同一串花枝丸。唔算貴，一串十幾蚊，燒的好好，夠熱辣，裡邊又好ｊｕｉｃｙ。沙爹醬汁都好好味，同串燒好襯。最後飲隻烏龍茶，好滿足。

明知就黎食飯都要食番幾串，位於福老村道嘅蘭英印尼小食相信好多人都聽過，店主即將退休，所以老闆娘都笑言「有得食好食喇」。鋪頭細細，只有幾個座位，不過我地唔係食飯，企下都冇乜所謂串燒都係基本款式例如腸仔、豬頸肉、豬牛雞肉、丸類等，定價$5-15。雞脾價格較高，$40/隻。有次太晏先黎，想食嘅都冇哂添啊。豬頸肉 $13雞肉 $13牛肉 $13花枝丸 $15即叫即燒，當日唔算多人，店主仲同我地傾起計上黎，講到自己嘅串燒，可以見到佢地嗰種自豪感覺。串燒配沙嗲醬，醬汁帶花生香，質地濃稠，不過叫小辣唔夠過癮。雞肉幾嫩、豬頸肉同牛肉火喉剛好，微脆但唔燶邊；花枝丸仲幾彈牙

知道面臨即將結業，早幾日都立刻衝忙去趕尾班車回味多一轉，聽講話伯伯伯母已經養大個女好快就會唔做，希望仲有機會食多次啦，因為真係好 _ 正，#牛肉 / #豬頸肉 / #雞肉 $13，多數係出面食串燒真係欠缺果隻味，而呢間經過半世紀嘅磨練，燒出黎真係 bbq 果隻強勁燒烤味，出面冇人能比，食完真係有種癮想再食，而醬料唔會太過重口味而蓋住個燒烤味，拿捏得好好，其中雞肉真係最正，又嫩又多肉，一句講哂，呢間嘅串燒係全港燒得最好 🤤 純粹自己覺得，mic 搵其他黎同呢間神級串燒比較！-蘭英印尼小食九龍城福佬村道 92-94 號

呢間小店係九龍城已經開咗十六年，咁多年賣嘅食物都冇變過，一到午餐時間就會有好多學生跑過來買飯盒買串燒。呢班學生好多都食到變大學生，變到出嚟做嘢，我就係其中一個。好多人睇招牌以為蘭英只係賣串燒，其實佢哋都有賣黃薑飯，咁多年來都只有兩款，一款係串燒黃薑飯，另一款就係雞脾黃薑飯。今次我就揀咗雞脾黃薑飯。雞脾燒得剛剛好，好嫩滑。黃薑飯粒粒分明，份量都非常多。呢度係冇位坐，只可外賣或者係旁邊立食。記得叫老闆娘俾多啲沙嗲醬，如果唔係好易食哂雞脾同醬之後淨返好多飯。佢哋嘅沙嗲醬非常濃，裡面混合咗花生碎，配埋黃薑飯一齊食，一流👍🏻👍🏻咁多年嚟加咗唔少價，不過佢真係keep得到好個水準廿年來味道如一😋😋😋，知道蘭英就快要結束好唔捨得，趁依家仲有機會要快啲去試！

Consistently bad service so I won't miss them IF they go because some restaurants get taken over or move to a different location. 1} Sat down and the lady goes please don't sit in the way. The chair was already there, not as if I put it there.2} she said the dining area is only for food from her shop.FFS, if I didn't buy food at her skanky shi it shop why the hell would I want to sit in a dirty alley in front of this cunt.3} She obviously is discriminating some people as people ar

本身同男友都好中意食印尼野，見到面書話呢間印尼小食店就執，真係唔想知道呢間就係就執既時候我地轉程走入九龍城食食佢！店係九龍城廣場對面，去到有1x人嘅隊，隊中都係後生，我地排左廿幾方鐘到。串燒黃飯有兩串串燒的，仲有飲品送！「唔該要花枝丸豬頸肉黃飯$38，再加一串雞肉$13！」花枝丸其實$15，老闆其實可以再收多$2做額外，而佢地無咁做，好感upupuptotal$51我地拎住戰利品去附近公園食，超期待！賣相令人好有食慾花枝丸好彈牙，濃濃燒烤味，必叫！豬頸肉同雞肉都好好食，配上有花生既印尼沙爹醬正！唯一係飯無咩黃薑味但飯係好食嘅！

以前細個媽媽成日都會帶我去九龍城寨個公園踩單車順便係個邊食下嘢，依家就同男朋友行下懷緬下以前行完公園有啲餓，甘岩見到呢間串燒就同男友黎試下我地叫左2串雞肉、1串雞腎、1串牛肉本身鋪頭已經有一堆燒好左，老闆娘就順手係個度拎俾我地我覺得最好味係個沙嗲醬...我地叫左小辣，個醬本身甜甜地都幾開胃