滿江紅小甜甜 (已結業)

朋友同自己都十分喜歡食辣野，灣仔既滿江紅小甜甜之前食過。今次試埋旺角呢間，星期六7點中入座吾洗等位就可以開台。先送上小吃，羅白酸酸地，幾開胃。我地幾個係好中意食魚卜魚春，但大家食辣既LEVEL都不同，所以我地叫左2鍋。下面有火熱住，愈食愈濃味，好正。我地仲可以要求小辣同大辣，麻都有分級別。好好食，撈埋飯係一流。同埋入面有好足料，幾個人分吾洗搶。仲叫左個辣子雞，一上台見到好多好多紅色以為會噴火，但只係輕辣，但好濃味，炒得好好食。再叫左個羅白豬骨湯，個湯好大煲，藥材味十分濃烈，感覺好養生。另外，叫左上湯浸時蔬，湯係有陣胡椒味，不錯不錯。