十二味 (赫德道)

營業中

休息中

每次喺尖沙咀做完野，如果想食辣嘢即刻諗起十二味。無論嗰日想食酸辣或者香辣佢都有大把選擇如果預岩午餐時間仲抵今次就食返佢個酸菜魚午餐（白飯+飲品）選擇呢度因為鍾意佢個魚🐟無論係午餐或者散叫都係用鱸魚 ，試過有啲餐廳用急凍龍脷柳或鯇魚又多骨有冇鮮味。但次次嚟到叫酸菜魚🍲同水煮魚都未試過唔新鮮，因為自己好敏感魚腥味。熱天就多數食佢個酸菜魚因為佢啲酸菜酸酸辣辣又爽口依家咁熱嘅天氣食完都唔怕滯，酸菜送飯一流。佢個湯底仲有少量蔬菜金菇同萵筍，一餐入邊有魚有菜非常健康👍。最後食埋佢個湯底本來已經有嘅粉皮索晒湯汁飽到今晚晚餐都唔使食