Burgeroom (美麗華廣場1期) (已結業)

搞婚禮期間常去尖沙咀，現在都少左去了，行「婚紗街」行到怕，試完衫同姐妹行下街，去左美麗華睇衫和玩具，之前仲聽講韓國文具開係個到就行下，不為意讓我發現轉角有間Burgeroom，我不禁拍拍朋友，誒？這不是銅鑼灣那間常排長龍的漢堡店嗎？於是，我們決定入去試試內部裝修更銅鑼灣，有點美國style，裝修較年輕化單看餐牌都跟銅鑼灣的一樣點餐之後除咗收據，就收到這個UFO首先到步的就是飲品，我點的飲品就是蜜桃茶，飲落不算太甜，蜜桃味清香，不像沖制感覺。因為上次我喺銅鑼灣食個牛肉漢堡，所以今次想試吓不一樣的東西，今次就試咗雞扒漢堡，當然要有我最愛嘅鵝肝啦！原來雞扒漢堡口感很不一樣，味道都沒有那麼重，口中仍然感覺到芝士嘅濃香，而且比較配合其他醬料，醬汁咁牛肉嘅配合不一樣，是帶有丁點兒酸甜感，分量依然很大，起初我都以為食唔晒。體積太大，像我一樣的少婦，一定不能一口一口咬下來吃。這支粉紅色的檸檬水，真係第一次見，所以朋友都忍不住點來試試，味道有點像以前檸檬能量水，檸檬水的味道不算太甜，是清清的口感。