荳子 (PopCorn 2)

營業中

休息中

呢間店係依區嘅人氣no.1 ，次次行過都排曬長龍，今日同家姐行過係weekday中午時份，又過咗中午飯市，見冇人喎，梗係入去嘆下先。同家姐每人叫咗一份tea set，包括一杯飲品加一件甜品。 蛋糕唔係用一般瓷碟奉上，而係用icing sugar (我估)畫上自己餐廳名字嘅硬皮板奉上， 賣相唔錯，感覺店主好有心思。抹茶蛋卷同mango mousse cake 味道都算好不錯， 唔係特別出色，中規中矩啦。我嗰杯荔枝玫瑰花梳打 ，都有淡淡清香玫瑰花同埋荔枝嘅味道， 喺依個炎炎夏天裏面感覺特別清新涼快。其實呢間餐廳我光顧過幾次食晚飯， 味道都算滿意嘅，唔覺得食評講得咁美味、好食。不過價錢同食物係合理嘅。