真心泰國菜館 (已結業)

輕鬆聚今日做到無停手，兩點幾才有空去食飯，跟同事一起去了朗豪坊旁邊的一座大廈，朗晴坊！上了二樓，去了真心泰國菜館，又叫撈米，又叫炒菜，又叫飲品，埋單二人218元，已經加了加一服務費，平均每人109元。-泰式雞絲撈米$46整碗撈米都幾大碗，裡面的米粉好幼，感覺有點像台灣的新竹米粉，好幼好幼的那一種。雞絲烚的，感覺健康，因為無油，哈哈。配上餐廳的撈醬 ，又有芽菜，增添風味和口感。泰式炸蝦餅$68一碟有四件，其實是兩件切半，再配上甜酸辣醬。外邊炸到脆香，裡面蝦肉有咬口。用來餸酒，或者隨心傾訴找小食，剛剛好。鹹魚炒芥蘭$58炒得時間恰到好處，芥蘭不老，幾爽口，清翠感。芥蘭又翠綠，新鮮。配搭鹹魚一起炒，跟媽媽平時在家炒的菜有所不同。整碟都給我倆吃光，可想而知味道的確不錯。椰汁0元因為跟餐，所以椰汁不用給錢。不過溫馨提一提，如果叫其他某些特別飲品要另外加錢。