夢工房西日料理 (已結業)

放工後同媽媽在葵芳行完街，就黎食經過左好多次既抵食日本放題餐廳。雖然是日本放題，但仍有打邊爐，但係今次就無試到，因為太想食刺身啦， 下次有機會再試下。刺身當然係第一樣食既食物啦，呢到既刺身款式都算多，各款既鮮味都不錯，相信是人流不絕的原因。在平日晚上仍能維持接近滿座便證明是性價比高的餐廳。經過一番拼搏之後， 留有少少肚嘗試一下其他小食，酒煮蜆，酒既濃度剛好， 煮完有陣陣既酒香又不會搶左蜆既味道，而蜆亦無沙，值得一試。食得刺身多當然都會想食下熱氣野中和下，香芋丸/芝麻球及脆皮金瓜都不俗，可能係三款甜品一齊食既關係, 覺得稍微太甜，如控制甜度會更佳。最後食左個冷面及沙律便完成左呢次既晚飯，冷面加上胡麻醬，係炎炎夏日不失為一個開胃既配搭。再點了各風野菜沙律，呢個沙律每次食放題都會點，醬料十分開胃，除正式食刺身前，在食完都會叫一份均衡營養既吸收。總括呢餐食物不俗價格亦十分超值,適合慳錢既朋友們。