意粉狂熱 (皇室堡) (已結業)

呢日去開銅鑼灣，諗著求其搵啲野食，入到皇室堡，又俾我搵到呢間餐廳，睇落環境唔錯，tea set 又唔算好貴，所以一於試下～餐廳睇落環境幾好，唔太污糟。而嘢食都唔算太貴，種類都唔少。Caesar salad 又幾多料喎，有齊應有嘅材料，麵包粒好脆，而且好多芝士，雖然味道就較淡。本身洋蔥湯同芝士包嘅味道係冇乜嘢，但加埋一齊就好奇怪。可能我食唔慣，但係擺喺碗湯入面浸到淋晒真係唔太啱我口味。呢個迷你黃金四種芝士pizza 味道都不過不失，真係有齊四種芝士嘅味道，只係略嫌有啲乾身。配上蜜糖呢種配搭我又真係未試過，但係又幾新奇。